Спорт
Тим што никогаш не ја освоил е фаворит во ЛШ
Во средата заврши фазата по групи во Лигата на шампионите. Прв пат во историјата меѓу најдобрите 16 се пласираа екипи од петте најсилни европски национални првенства (Англија, Шпанија, Германија, Италија, Франција).
Сигурно е дека осмина-финалето ќе понуди најмалку два атрактивни дуели, откако УЕФА го објави составот на „шеширите“.
Ждрепката ќе биде извршена в понеделник, во првиот „шешир“ ќе бидат ПСЖ, Бајерн, Манчестер сити, Јувентус, Ливерпул, Барселона, Лајпциг и Валенсија, а во вториот Реал, Тотенхем, Аталанта, Атлетико, Наполи, Борусија Дортмунд, Лион и Челси.
Во прогнозите околу победникот во Чигата на шампионите веќе се вклучија обложувалницит, исто така се прават и математички анализи.
Ливерпул изминатите две сезони играше во финалето, минатата сезона и ја освои титулата меѓутоа „црвените“ не се први фаворити.
Според математичките анализи и обложувалниците прв фаворит е тимот што досега никогаш не стигнал подалеку од полу-финалето, Манчестер сити.
Шансите дека Сити ќе ја освојат титулата е проценуваат на 22 или 23 отсто, додека шансите на Ливерпул се 17 отсто.
Според обложувалниците околу 50 отсто се шансите дека во осмина-финалето еден од овие два тима за противник ќе го добие Реал Мадрид. Кога се во прашање Реал Мадрид нивните шанси дека ќе стигнат до крајот според обложувалниците се проценети на шест отсто.
Аналитиката вели дека шансите на Манчестер сити се 24 отсто, втор фаворит е Баерн со 19, а трет Ливерпул со 15 отсто. Според аналитиката шансите дека ќе ја освојат титулата на сите останати тимови се помали од десет отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.