Контакт

Спорт

Тинејџерката Свјонтек ја „торпедираше“ Халеп на Ролан Гарос!

Објавено пред

Полската тинејџерка Ига Свјонтек ја „растури“ првата носителка на Ролан Гарос, Симона Халеп со 6:1/6:2 за едно од најголемите изненадувања во историјата на Франција опен во зачудувачки меч од час и две минути во недела наутро во Париз.

Халеп имаше само две неизнудени грешки во првиот сет, но го загуби со 6:1 за само 24 минути, откако Свјонтек покажа неверојатна способност да врати удар од било која позиција. Таа потоа поведе со 3:1 во вториот сет, кога по шест брејк топки поведе со 4:1 и веќе немаше враќање за поранешната шампионка.

Ова е слатка одмазда за Свјонтек, тенисерка која уште нема ВТА титула, откако во четвртото коло на Ролан Гарос во 2019 година, загуби со 6:1/6:0 од Халеп.

Во четврт-финалето, Полјачката ќе игра со Италијанката Мартина Тревизан, која направи уште едно изненадување, совладувајќи ја со 6:4/6:4 петтата носителка, Холанѓанката Кики Бертенс.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

ЛШ: Касемиро го спаси Реал од нов пораз, гол-шоу на Аталанта и Ајакс

Објавено пред

Маркус Турам, синот на француската фудбалска легенда Лилијан, постигна два гола за Борусија Менхенгладбах, но тоа не беше доволно да се извлече победа над Реал Мадрид, откако Касемиро со асистенција и гол во последните три минути извлече 2:2 реми.

За Зидан ова е уште еден незгоден резултат,  по поразот во првото коло од Лигата на шампионите дома од (2:3), и притисокот се зголемува на тренерот и покрај тоа што го доби „Ел класико“ на „Ноу Камп“.

Турам стрелаше во 33. и 58. минута за „ждребињата“ да стигнат до 2:0 водство, кое до крајот на мечот, „кралевите“ прво успеаја да го намалат преку Карим Бензема во 87. минута, пред Касемиро во 93-тата минута да спаси голем поен за „кралевите“.

Супер-интересно беше на првиот меч од ЛШ во Бергамо, каде што Аталанта губеше со 0:2 од Ајакс откако прими два гола за осум минути во првото полувреме, но Дуван Запата со два гола врати за 2:2 реми. Во истата група, Ливерпул со 2:0 го совлада данскиот аутсајдер Митјиланд со головите на Диого Жота и Мохамед Салах (од пенал) , но најголемата грижа беше повредата за Фабињо, уште една главоболка за Јирген Клоп.

Жоао Феликс со два гола ги „спаси“ Атлетико Мадрид, носејќи им возбудлива 3:2 победа на „Ванда метрополитано“ над Ред бул Салцбург, додека Манчестер сити без мака со 3:0 го совлада Марсеј на „Велодром“.

ЛИГА НА ШАМПИОНИ, 2.КОЛО

ГРУПА А

Локомотив Москва – Баерн Минхен 1:2

Атлетико Мадрид – Салцбург 3:2

ГРУПА Б

Шахтјор Доњецк – Интер 0:0

Борусија Менхенгладбах – Реал Мадрид 2:2

ГРУПА Ц

Марсеј – Манчестер сити 0:3

Порто – Олимпијакос 2:0

ГРУПА Д

Аталанта – Ајакс 2:2

Ливерпул – Митјиланд 2:0

БОРУСИЈА МЕНХЕНГЛАДБАХ – РЕАЛ МАДРИД

АТАЛАНТА – АЈАКС

ЛИВЕРПУЛ – МИТЈИЛАНД

МАРСЕЈ – МАНЧЕСТЕР СИТИ

АТЛЕТИКО МАДРИД – САЛЦБУРГ

ПОРТО – ОЛИМПИЈАКОС

Прикажи повеќе...

Спорт

Руски милијардери со фудбалска страст – Челси и Абрамович на „гости“ кај Галицки во Краснодар

Објавено пред

Кога утревечер Краснодар ќе го пречека Челси во Лигата на шампионите, ќе има интересен дуел на двајца руски милијардери со големи фудбалски соништа. Секако, првиот е Роман Абрамович, човекот кој го направи Челси голем клуб, а вториот е Сергеј Галицки, кој ќе го прослави првиот домашен меч во елитното натпреварување.

Краснодар е клуб формиран на пепелта на стариот Кубан Краснодар во 2008 година, и Галицки, кој направи богатство во малопродажба, во градот во јужна Русија направи вистински бум, градејќи го импресивниот стадион и најавувајќи уште поголеми амбиции.

Скромноста не е една од одликите на 56-годишниот Галицки, кој околу стадионот го изгради „Галицки паркот“, трошејќи над 100 милиони долари во фудбалска академија, каде што има 300 млади фудбалери од регионот. Се верува дека Галицки има потрошено над 400 милиони долари на клубот, а со богатство од над 3.5 милијарди евра, тој може да си го приушти тоа.

Роден како Сергеј Арутјунјан во Лазаровское, село во близината на Сочи на брегот на Црното Море, тој го смени своето ерменско презиме кога се ожени. Откако го отслужил воениот рок, студирал економија на универзитетот во Краснодар, по што работел во банка. Во 1998 година тој ја отвора својата прва продавница во градот под име „Магнит“, која сега е една од најголемите приватни компании во Русија.

Фудбалскиот клуб Краснодар влезе во руската Премиер лига во 2011 година, и иако имаат големи амбиции највисок пласман им е третото место минатата сезона. Тие ги победија ПАОК во септември за влез во ЛШ, откако двапати играа во осминафиналето на Лига Европа.

Галицки претходно изјавуваше дека не се познава со Абрамович, но дека би било „интересно“ да зборуваат за фудбал со уште еден милијардер. Галицки, за разлика од Абрамович е почитуван од широката руска јавност, која му забележува на газдата на Челси што парите кои ги заработи во Русија ги троши во Англија.

 

Прикажи повеќе...

Спорт

Барса во криза – претседателот Бартомеу и цел борд си дадоа оставка!

Објавено пред

Кризата во Барселона, која трае по понижувачкиот 8:2 пораз од Баерн Минхен во Лигата на шампионите, ја достигна својата кулминација, откако претседателот на клубот Жозеп Марија Бартомеу и целиот борд на клубот си поднесоа оставка во вторникот навечер.

Иако вчера на прес-конференција изгледаше дека Бартомеу е подготвен да се „бори до крај“, сега тој реши да се повлече пред да започне гласањето за недоверба следниот месец. Во понеделникот Бартомеу изјави дека воопшто не размислува за оставка и дека не се чувствува виновен за желбата на Лионел Меси да си замине, сега, тој ја предава иднината на клубот кај членовите по шест години на чело на клубот.

Факсот на Лео Меси, слабите резултати и губењето на шпанската титула, незадоволството кај фановите, како и економската криза поради корона вирусот предизвикаа да се соберат 16.000 потписи за негова смена, иако тој и така објави дека нема да бара нов мандат на собранието во март. Одлуката доаѓа откако регионалната влада на Каталонија објави дека нема да има пречки за оддржување на гласањето за недоверба на 1 и 2 ноемврри.

Бартомеу, кој беше и директор на клубот под Жоан Лапорта, стана претседател во јануари 2014 по оставката на Сандро Росел поради неговите легални проблеми. Тој беше вршител должност на оваа позиција во јули 2015, кога го избраа членовите на клубот.

Прикажи повеќе...

Најново

Свет9 часа

СЗО: Дневниот број на смртни случаи од Ковид-19 во Европа е 40% поголем од минатата недела

Дневниот број на смртни случаи од Ковид-19 во Европа е 40% поголем од минатата недела, соопшти Светската здравствена организација (СЗО)....

Македонија10 часа

Портпаролката на СДСМ, Богданка Кузеска, позитивна на Ковид-19

Портпаролката на СДСМ, Богданка Кузеска, објави дека е позитивна на Ковид-19. Таа вели дека нема симптоми и дека се чувствува...

Европа11 час

Во Италија рекордни 21.994 новозаболени и 221 починат од коронавирус

Во изминатите 24 часа во Италија се регистрирани 21.994 нови случаи на коронавирус, соопшти денеска Министерството за здравство. Ова е...

Македонија12 часа

Во Македонија 628 нови случаи на коронавирус и 15 починати

Во последните 24 часа во Македонија потврдени се 628 нови случаи на коронавирус, починаа 15 пациенти, соопшти Министерството за здравство....

Македонија13 часа

Собранието ги верифицира мандатите на четворицата нови пратеници

Собранието на денешната седница ги верифицираше мандатите на новите чет ворицатапратеници Мирче Аџиоски од ВМРО-ДПМНЕ, Рина Ајдари од ДУИ, Мирослав...

Македонија14 часа

Одобрена набавката на лекот „ремдесивир“, државата ќе потроши 67,5 милиони денари

Владата одобри набавка на лекот „ремдесивир“ за третман на пациенти со коронавирус. За испорака на овој лек во следните пет...

Спорт16 часа

Нови заразени во Вардар, одложен е натпреварот со ПСЖ

Ракометниот клуб Вардар 1961 потврди дека е одложен натпреварот против ПСЖ, во Лигата на шампионите. Вардар, во рамките на 6....

Свет16 часа

Во Русија од утре маските се задолжителни во јавниот превоз, парковите и во лифтовите

Русија од утре воведува задолжително носење маски поради зголемувањето на бројот на случаи со коронавирус. Според уредбата објавена на веб-страницата...

Свет17 часа

(Видео) Муслиманскиот свет го претстави Макрон како сатанист

Францускиот претседател Емануел Макрон беше цел на демонстрантите во исламскиот свет по изјавата по повод објавувањето на карикатурата на пророкот...

Македонија17 часа

Позитивни на Ковид-19 биле 24 отсто од тестираните во текот на изминатата недела

Министерството за здравство информира дека во согласност со извештајот на Институтот за јавно здравје, кој се однесува на периодот од...

Наука19 часа

Научниците предупредуваат: нема мраз на Арктикот

Научниците предупредуваат дека поголемиот дел од Арктикот сè уште не почнал да замрзнува, иако е крајот на октомври, што е...

Македонија20 часа

ИЈЗ дневно ќе прави до 1.000 теста, од денеска ќе функционираат две одделенија

Во Институтот за јавно здравје од денеска, покрај постојното приемно одделение, ќе функционира уште едно одделение за прием со лаборант...

Македонија20 часа

„Фронт 21/42“: Експанзијата на мали хидроцентрали се заканува трајно да ги уништи нашите реки

„Фронт 21/42“ се приклучува кон манифестот потпишан од над 150 европски невладини организации, со кој се бара од Европската Унија,...

Македонија20 часа

Мицкоски: Поради пандемијата и загаденостa, хронично болните да се ослободат од работа

„Поради високата загаденост на воздухот, паралелно со пандемијата од #COVID апелирам до Владата, министерот за здравство, Филипче, и до политичката...

Македонија21 час

МОН: Помалку од еден процент од учениците и наставниците се позитивни на Ковид-19

Министерството за образование и наука информира дека помалку од еден процент од учениците и кадарот во основните и средните училишта...

Регион21 час

Коронавирус и во детското одделение во болница во Хрватска

Коронавирус има и во Хрватска на одделот за рехабилитација на деца во Специјалната болница за медицинска рехабилитација во Крапинска Топлица...

Регион22 часа

Во Бугарија 1.948 лекари се заразиле со Ковид-19

Во последните 24 часа во Бугарија се потврдени 2.243 нови случаи на коронавирус, што е највисок дневен биланс од почетокот...

Свет22 часа

Норвешка воведува нови ограничувања на јавни собири и божикни забави

Норвешка воведе ограничување на јавни собири од 50 лица далеку под претходниот максимум од 200 лица, а во исто време...

Свет23 часа

Кина воведува санкции за американските компании

Кина одлучи да воведе санкции за неколку американски компании поради нивната улога во продажба на оружје на Тајван. Портпаролот на...

Европа23 часа

Чешка воведува седумдневен полициски час

Чешката влада одлучи од утре да воведе седумдневен полициски час во земјата, од 21 до 5 часот наутро, и дополнително...

Досие