Спорт
Топ 10 фудбалери кои се слободни во јуни – Меси, Агуеро, Рамос, Алаба, Ди Марија…
Во јануарскиот преоден рок немаше големи фудбалски трансфери, но затоа летниот, во јуни се очекува да е вистинска „бомба“.
Ова се можеби 10-те најатрактивни фудбалски имиња кои во јуни ќе се слободни играчи, доколку, се разбира во меѓувреме не го продолжат договорот со актуелниот клуб:
Џанлуиџи Донарума (Милан) –
Најдобрата сезона за Милан во последната декада може да е неуспешна доколку одличниот голман си замине од „Сан Сиро“. Запиша 200 меча меѓу „Росонерите“ иако има само 21 година.
Жером Боатенг (Баерн Минхен) –
Стоперот на Баварците веќе неколку сезони е на излезна врата во минхенскиот клуб. Сити е заинтересиран за 32-годишниот дефанзивец.
Серхио Рамос (Реал Мадрид) –
Од Реал покажаа дека немаат проблем да се откажат од една од клупските легенди, тој сака астрономски договор, а Перез му нуди многу помалку. Јунајтед трпеливо чека од страна да го види развојот на настаните.
Давид Алаба (Баерн Минхен) –
Уште еден играч од европскиот шампион е на излезна врата. Тој е еден од најдобрите универзалци во светски рамки. Се споменува Реал како негова следна дестинација.
Фернандињо (Манчестер Сити) –
Бразилскиот ветеран претходните сезони беше важна алка во „синџирот“ на Гвардиола. Тој има многу понуди од Јужна Америка.
Жоржињо Вајналдум (Ливерпул) –
Холанѓанецот летоска беше желба на Барселона, тогаш Ливерпул не го пушти, но летоска се чини извесен неговиот пат кон Каталонија.
Мемфис Депај (Лион) –
Холандскиот напаѓач ја оживеа кариерата откако си одите од „Олд Трафорд“, па по Франција, сега е пред нов предизвик. Летоска Лион ги одби понудите на Барса, ова лето ќе видиме.
Анхел Ди Марија (ПСЖ) –
Офанзивецот на „Светците“ има огромна плата во ПСЖ, тоа ги кочи заинтересираните клубови, а неговиот договор истекува.
Лионел Меси (Барселона) –
Апсолутно најинтересниот играч кој цела кариера ја помина на „Ноу Камп“. Заинтересирани Интер, Сити и ПСЖ. Францускиот шампион се чини најблиску до неговиот потпис.
Серхио Агуеро (Манчестер Сити) –
Напаѓачот на „граѓаните“ мака мачи со повредите сезонава и тешко е да се очекува дека ќе добие нов договор. Има 32 години и плата од околу 260.000 фунти неделно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…