Спорт
Топспорт во Порто…Трајковски: Ова е тоа за кое сите сме сонувале – Македонија да оди на Светско првенство
Топспорт во Порто,
Никола Ѓуровски
Адреалинот расте, се ближи почетокот на историскиот меч. Фудбалската репрезентација на Македонија за првпат во историјата има можност да обезбеди пласман на Светско првенство. На еден меч, на 90 минути од отворање на една нова ера, да се најде на мундијал. По учеството на Европското првенство, да биде дел и од Светско првенство.
Пред пет дена момците на Благоја Милевски направија огромна сензација, го елиминираа европскиот првак Италија. Стрелец на голот за триумф од 0:1 беше Александар Трајковски во 93.минута од дуелот во Палермо.
Сега македонските фудбалери во Порто се исправени пред уште поголем предизвик, дуел против Кристијано Роналдо и соиграчите, но и 50.000 Португалци на стадионот „Драгао“. Ќе биде жестока борба, а Македонија ќе се бори до последен атом од силите. Тоа го најавува токму Александар Трајковски.
„Ова е тоа за кое сите сме сонувале. Македонија да оствари пласман на Светско првенство. Некогаш делуваше незамисливо, а сега не очекува дуел со Португалија, и ако победиме – ете не на мундијал. Поголем мотив нема. Подготвени сме, можеме да ветиме дека ќе бориме до последниот атом од силите за да го исполниме сонот на сите Македонци. Португалија е силна репрезентација, заслужува респект, но ова е финале, а тоа се игра за да се победи. Да го направиме тоа“, вели Александар Трајковски.
Билетите за вечерашниот натпревар (20.45 часот) на стадионот „Драгао“ во Порто одамна се распродадени. На триините ќе има речиси 50.000 Португалци, но и околу 2.000 македонски фанови кои допатуваа од нашата земја, но и од цела Европа, да ја бодрат фудбалската репрезентација во обидот да направи уште едно фудбалско чудо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хаос на белградските улици – Тепачка меѓу Делии и Гробари
Сериозни инциденти се се случија во Белград, пред 173-то вечно дерби, меѓу Црвена звезда и Партизан.
Низ улиците на Белград се случиле неколку тепачки, а според видеата на социјалните мрежи, најсериозната тепачка е снимена во центарот на Блеград.
На видеото на страницата „Мој Белград“ се гледаат како летаат камења, а хулиганите имаат палки. Полицијата интервенираше, а имаше и апсења.
Според натписите на сведоците на социјалните мрежи, се слушнале и истрели, а полицијата брзо интервенирала.
Профилот на Инстаграм „Србија во живо Белград“ објави видео на кое хулиганите трчаат со палки во рацете.
Српските медуми објавија дека полицијата уапсила 50 хулигани.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.