Спорт
Трагедија за Леклер и Ферари во Бахреин – Мерцедес до „подарена“ 1-2 победа!
Луис Хамилтон и Валтери Ботас донесоа 1-2 победа за Мерцедес на Бахреин ГП трката, втора на календарот, откако Ферари доживеаја невидена катастрофа – Себастијан Фетел се изврте во борба за позиција и заврши како петти, додека само безбедносното возило го спаси третото место на Шарл Леклер, откако младиот возач на Скудерија беше на чекор до победа пред нешто да тргне наопаку со неговиот болид.
Откако доминираа на тренинзите и квалификациите на Сакир, Ферари очекуваа 1-2 победа на патека која секогаш им одговарала, и работите се одвиваа добро (барем за Леклер) сè до финишот на трката, кога одеднаш болидот на Леклер остана без моќ и прво Хамилтон, а потоа и Ботас лесно го претекнаа.
Леклер ќе останеше и без подиум во финишот, но за негова среќа, двајцата возачи на Рено, Нико Хилкенберг и Даниел Рикардо излетаа во претпоследниот круг, за безбедносното возило да излезе на патеката и да го сочува неговото трето место пред Макс Ферстапен во Ред бул кој бру се доближуваше. За трката да биде целосна „катастрофа“ за Ферари се погрижи и Себастијан Фетел, кој трката ја заврши на петтото место откако во обид да се одбрани од напад на Хамилтон се изврте и го оштети предното крило, влегувајќи во боксот.
LAP 48/57: Agonising scenes for Charles Leclerc and his fans as Lewis Hamilton gets past the ailing Ferrari#BahrainGP ?? #F1 pic.twitter.com/UVtdDZoZz3
— Formula 1 (@F1) March 31, 2019
Фетел претходно го помина Леклер на стартот, но младиот возач од Монако имаше одлична трка и успеа да го врати водството од својот далеку поискусен колега. Ако нешто може да ги утеши Ферари тоа е „чистата“ брзина која ја покажаа на патеката, надминувајќи ги проблемите од Австралија, но засега среќата не беше на нивната страна.
Хамилтон призна дека победата му е „подарена“ веднаш преку радио-комуникацијата.
„Момци, ова беше многу несреќно за Шарл. Тој имаше одлична трка. Мораме да работиме напорно да ги држиме овие момци зад нас“, изјави Хамилтон.
Топ 10 ги комплетираа Лендо Норис во ветувачка трка за Мекларен, Кими Раиконен за Алфа Ромео, Пјер Гасли (Ред бул), Александер Албон (Торо росо) и Серхио Перез (Рејсинг поинт).
LAP 57/57:
TOP 10
HAM
BOT
LEC
VER
VET
NOR
RAI
GAS
ALB
PER#BahrainGP ?? #F1 pic.twitter.com/TDyllXxNAa— Formula 1 (@F1) March 31, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.