Спорт
Трилер на Вимблдон! Ѓоковиќ по пет часа тенис го „собори“ Федерер
Новак Ѓоковиќ по петти пат ја освои титулата од Вимблдон, откако во едно историско финале со 7:6(5)/1:6/7:6(4)/4:6/12:12(3) го совлада освојувачот на рекордни осум титули од Лондон, Роџер Федерер во пресметка за која ќе се зборува со години.
Федерер имаше две меч-топки кои не ги искористи во петтиот сет, но на крајот мораше првпат во историјата на турнирот да се игра тај-брејк во петтиот сет (досега се играше додека еден тенисер не направи два гема предност), во кој Ѓоковиќ покажа повеќе нерви и на крајот стана шампион со својата прва меч-топка за 7:3.
Ова е четврти гренд слем трофеј од последните пет за 32-годишниот Ѓоковиќ, и вкупно 16-та гренд слем титула.
„Мислам дека ова беше, ако не највозбудливото, тогаш меѓу топ 3 најдобрите мечеви во мојата кариера и тоа против Роџер, кого многу го почитувам. Двајцата имавме шанси за победа и не ми се верува дека се вратив по две меч-топки. Беше чудно да се игра во тај-брејк. Роџер кажа дека сака да им даде инспирација на тие на 37 години и јас сум еден од нив. Го кажав тоа и во минатото, но кога бев дете сонував дека ќе играм на Вимблдон и ќе победам. Посебно е што мојот син е на трибните“, изјави Ѓоковиќ.
A match for the ages…
The moment @DjokerNole retained his crown to become #Wimbledon champion for a fifth time after a historic men’s singles final#JoinTheStory pic.twitter.com/zDQlEBviMD
— Wimbledon (@Wimbledon) July 14, 2019
Number five tastes good ?#Wimbledon | @DjokerNole pic.twitter.com/ktpL2usWOw
— Wimbledon (@Wimbledon) July 14, 2019
? 2011
? 2014
? 2015
? 2018
? 2019#Wimbledon | @DjokerNole pic.twitter.com/kRPF6O2xrk— Wimbledon (@Wimbledon) July 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.