Спорт
Трилер во пустината – Ферстапен мораше да му го предаде водството и победата на Хамилтон!
Седумкратниот светски шампион Луис Хамилтон е победник на првата трка од новата сезона во Формула 1, триумфирајќи на спектакуларното Бахреин ГП пред Макс Ферстапен по фантастична битка во последните кругови, која дава надеж дека сезоната 2021 ќе биде неизвесна и возбудлива за фановите.
Откако го загуби водството од пол-позицијата по влегувањето во боксот, Ферстапен, конечно, успеа да го стигне и да го помине Хамилтон на три круга пред крајот, но бидејќи излезе надвор од патеката веднаш му го пропушти првото место на шампионот. Гумите на двајцата возачи беа драматично потрошени и иако во последниот круг Макс се доближи до Мерцедес, немаше сила за уште едно претекнување.
Валтери Ботас заврши на третото место во вториот Мерцедес, освојувајќи дополнителен поен за најбрзиот круг (во финишот), а најдобар од „остатокот“ беше Лендо Норис во брзиот Мекларен, пред вториот Ред бул на Серхио Перез во топ 5. Ферари ќе се задоволат со шестото место на Шарл Леклер и осмото на Карлос Саинс Јуниор, додека меѓу нив беше Даниел Рикардо во вториот Мекларен. Последните поени ги освоија дебитантот на Алфа Таури, Јапонецот Цунода на деветтото место и Ленс Строл во Астон Мартин на 10. место.
Трката започна со излетувањето на рускиот дебитант Никита Мазепин (Хас) уште на третата кривина на патеката Сакир, по што мораше да излезе безбедносното возило, а Ферстапен двапати ја одбрани првата позиција од нападите на Хамилтон и Ботас, веднаш на третото место.
Шансите на Ботас за борба со најдобрите беа уништени со споро влегување во боксот по проблемите со едната гума, додека Хамилтон го презеде водството со побрзо менување на гумите. Сепак, неговите „тврди“ гуми не издржаа толку долго колку што се очекуваше за со тоа да се постави трилер-завршницата на трката.
Victoire de Lewis Hamilton après une magnifique bataille avec Max Verstappen ?
Nous voulons ça tout les week-ends maintenant ?#F1 #BahrainGP ??
— Alerte F1 ? (@AlerteF1_) March 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.