Спорт
Турине победи кај мажите, Мухири со рекорд најбрза кај дамите
Чалачан Тируне од Етиопија е победник на 15 издание на „Визер скопскиот маратон“. Тируне е прв Етиопиец што успеал да победи во Скопје. Тој успеа да ја прекина доминацијата на Кенијците, кои оваа година свој претставник имаа на второто место. Кенија сепак доминираше во женска конкуренција. Јунис Мухири победи со нов рекорд на патеката. „Визер скопскиот маратон“, оваа година го собори рекордот со над 12.000 учесници.
Чалачан Тируне маратонската патека успеа да ја претрча за 2:15.37 часа, што претставува петто најдобро време во историјата на Скопскиот маратон. Второто место му припадна Вилфред Кипчирчир од Кенија (2:16.54 часа).
Успешниот ден за атлетичарите од Етиопија го надополни Гетаје Фисеха Гело кој го освои третото место со четири минути послабо време од победникот.
Од македонските маратонци најдобро време забележа Александар Кираџиев (2:37.41 часа), што му беше доволно за шестата позиција.
Кај дамите, хероина на денот е Јунис Мухири од Кенија. Таа победи со нов рекорд на патеката 2:33.38 часа. Зад неа трката ја завршија Јулитер Тануи и Наоми Лимамуреи.
Нјадобро пласирана Македонка беше Адријана Поп Ацева, таа постави нов државен рекорд 2:52.52 часа. Поп Ацева трката ј заврши на седмото место во женска конкуренција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.