Спорт
УЕФА го поддржува формирањето на Суперлига
Здружението на европските фудбалски клубови (ЕЦА) ја поддржува трансформацијата на актуелниот формат, по кој се игра Лигата на шампионите. Промените би се случиле од 2024 година. Ова е решено на синоќешното генерално собрание што се одржа во Амстердам, а на кое присуствуваше и претседателот на УЕФА, Александер Чеферин.
Првиот човек на ЕЦА, Андреа Ањели, не сакал да открива детали, само рекол дека „се уште се дискутира околу промените“, но потврдил дека сигурно ќе има промени во форматот на елитното фудбалско натпреварување.
Интересно е што една од фракциите на ЕЦА, заговара, во првите неколку сезони натпреварите од нокаут фазата и финалето да се играат во викендите.
Жестоки противници на оваа идеа се Шпанците. Претставниците на шпанските клубови рекле: „Не дојдовме да разговараме за натпревари што ќе се играат во викендите, туку за промената на форматот на ЛШ и за светското клупско првенство“.
Првиот човек на УЕФА, Чеферин, го поддржува планот за формирање на СУперлига, односно натпреварување во кое би играче најмоќните европски клубови, иако е свесен дека на оваа идеа ќе се противат претставниците на послабите Сојузи, кои го имаат мнозинството во Европската куќа на фудбалот.
Претставник на Здужението на европските национални првенства смета дека формирање на Суперлигата, или лигата на богатите, ќе има катастрофални последици за помалку богатите клубови, односно за клубовите што не спаѓаат во елитното друштво.
„Ги браниме сопствените интереси. Јасно ни е дека нашите идеи и цели не се според желбите на мнозинството, меѓутоа за да ги истуркаме нашите идеи не ни е потребна нивната поддршка“, порачале „богаташите“, односно оние што заговараат формирање на Суперлигата.
Чеферин се надева дека помалите Сојузи ќе се задоволат со најавеното проширување на Лига Европа. Од сезоната 2020/2021 Лига Европа ќе има две дивизии.
На крајот претседателот на ЕЦА, Ањели, рекол дека преговорите со УЕФА се далеку од завршени, односно дека ќе има уште многу дискусија на оваа тема. Тој е свесен дека до 2024 година нема да може да се случи никава промена, бидејќи структурата на ЛШ е договрена однапред и важи во наредните пет години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.