Спорт
UFC Fight Night: Смит го задуши Спан, Бекли со аперкат го реши Ароја
Ентони Смит синоќа во главната борба на „UFC Fight Night 192“ уште во првата рунда со гушење го порази Рајан Спан во борба во полутешка категорија.
Смит, кој дојде до третиот триумф по ред, со неколку удари го здрма противникот, па го фати Спан за врат и му немаше помош – мораше да ја предаде борбата.
???? Anthony Smith?? soumet Ryan Spann?? au 1er round !!!
Anthony Smith?? est-il de retour ? 3 victoires consécutives maintenant !#RMCMMA #RMCUFC #UFCVegas37 pic.twitter.com/giTW3rT7ql
— MMA Empire ???? (@MMAempireFR) September 19, 2021
Најспектакуларниот нокаут на вечерта беше дело на Жоакин Бекли кој со огромен хематом на челото го нокаутираше Ентони Ароја. Бекли во текот на целата борба се бореше со повредата на главата, а на средината на последната рунда со силен аперкат го сруши противникот, па го „доврши“ на партерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фенербахче размислува да се повлече од турскиот шампионат
Челниците на Фенербахче најавија дека размислуваат да ја напуштат турската лига по инцидентите на натпреварот со Трабзон.
Фудбалерите на Фенербахче беа нападнати на теренот од хулигани од Трабзон, по натпреварот во кој победија со 3:2.
Беа удирени неколку фудбалери, а најлошо мина голманот Ливаковиќ кого еден од хулиганите го удри во глава од зад грб.
Во Фенер свикаа клупско собрание за 2. април поради случувањата во Трабзон, а еден од предлозите е турскиот великан да го напушти домашното натпреварување.
Фенербахче по 30 кола е втор на табелата со 79 бодови, два помалку од водечкиот Галатасарај.
Поради инцидентите на крајот од натпреварот во Трабзон во понеделникот беа уапсени 12 лица, а инцидентите ги осуди и претседателот на ФИФА, Џани Инфантино.
Спорт
Робињо: Расистичка Италија ме осуди за силување
Робињо (40) е осуден во Италија на девет години затвор за групно силување на девојка која го прославувала својот 23 роденден во ноќен клуб во Милано во 2013 година. Тогаш беше напаѓач на Милан и бразилската репрезентација.
Бразилскиот суд му забрани да го напушти Бразил додека не одлучи дали може да ја отслужи деветгодишната казна за силување, изречена од италијанскиот суд, во неговата татковина.
Трофејниот напаѓач, поранешен фудбалер на Сантос, Реал Мадрид, Манчестер Сити и Милан, тврди дека е невин и дека целиот процес би изгледал поинаку доколку бојата на неговата кожа била поинаква. Одлуката дали ќе мора да оди во затвор треба да биде донесена во среда.
„Во Италија неправедно ме обвинуваат за нешто што не сум го направил и имам се што ми треба за да го докажам тоа. Играв во Италија четири години и уморен сум од расизмот. Не се сомневам дека процесот против мене ќе биде поинаку ако бев белец“, рече тој.
Минатата година бразилскиот портал „УОЛ“, објави аудио снимки од 2014 година на кои Робињо разговара со пријателите за силувањето на девојката.
„Ќе ја удриме по лице. Ќе ја удриш и ќе кажеш: „Што ти направив?“, рекол Робињо, што може да се слушне на видеото. Бразилецот тврди дека не учествувал во силувањето.
Во видеото, Робињо раскажува како го напуштил ноќниот клуб откако имал секс со девојката, додека неговите пријатели останале со неа. Тој бил загрижен што ќе се случи со него доколку инцидентот излезе во јавноста.
„Ако ова заврши во медиумите, ќе бидам уништен“, вели Робињо во видеото, пренесуваат бразилските медиуми. Во друг момент вели: „Таа беше пијана, не знае ни кој сум јас, ништо нема да се случи“.
Робињо поднесе жалба до неколку судови, но италијанскиот Врховен суд ја потврди деветгодишната казна, по што италијанските обвинители распишаа меѓународна потерница. Но, Бразил не ги екстрадира своите граѓани, па Италија побара Робињо да ја отслужи казната во Бразил.
Спорт
Алегри го напушта Јувентус на крајот од сезоната
Масимилијано Алегри ќе го напушти Јувентус на крајот од сезоната, тврдат неколку италијански медиуми. Според овие извори, Алегри ќе го напушти клубот пред истекот на договорот. Тренерот има договор со Јувентус до јуни 2025 година.
„Тутоспорт“ и „Газета дело Спорт“, објавија дека ниту Јувентус сака да му понуди нов договор, ниту Алегри сака да остане во клубот. Според овие извори проблем нема да биде ниту оштетата која треба да ја добие Алегри за предвремен раскин на договорот.
Тренерот има годишна плата од седум милиони евра, но според медиумите двете страни ќе договорат раскин на договорот за помала сума.
Јувентус, пред еден месец беше легитимен кандидат за шампионската титула, но во последните осум натпревари забележа само една победа и на табелата падна на третото место.