Спорт
УФЦ шампионката Шевченко вели дека не е шпиун, но признава дека идол и е Џејмс Бонд
Валентина Шевченко, УФЦ шампионката во мува категорија, има многу вештини – течно зборува англиски, шпански и руски, експерт е за оружје и умешен снајперист, а признава дека идол и е Џејмс Бонд, но демантира дека е руски шпиун.
При гостувањето во Тексас, Шевченко беше на стрелиштето со својот „Валтер“, копија на оружјето кое Бонд го користеше од 1962 до 1977 година. Запрашана дали е слична со Бонд, од поранешната ММА ѕвезда, Бен Аскрен таа беше искрена.
„Тој може да направи сè! Бокс, удирање, шутирање, борење… Сè! Возење автомобили, авиони, бродови, стрелање од која сака рака. Мотивацијата ми е да бидам слична личност, да добијам знаење“, вели Шевченко.
Шевченко има посебен соработник – поранешниот руски војник Павел Федотов, кој пак ја подготвува за одбраната на титулата на УФЦ 247 овој викенд против Кејтлин Чукагијан. Шевченко се пресели во Перу во своите 20-ти години, и собра одлична лична колекција на оружје во која најдрагоцени парчиња и се „Браунинг бејби“, руска „Мосин“ пушка од 1935.
„Не сум шпиун, но Џејмс Бонд е совршен филм. Тоа ми дава многу мотивација“, вели Шевченко, која е непоразена од септември 2017 и двапати ја бранеше титулата која ја освои од Џоана Једржејчак на крајот на 2018 година.
Amazing new home for my guns ! ??????
Thank you @libertysafeinc ! I love it so much !!! ???#LibertySafe #Home #GirlsWithGuns pic.twitter.com/13IALGusrt— Valentina Shevchenko (@BulletValentina) December 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.