Спорт
Унгарија не даде гол последните 13 минути, сега Словенците имаат убава шанса(видео)
Иако веќе беа „отпишани“ од Европското првенство во ракомет, Швеѓаните им ги заматија сметките на Унгарците, победувајќи со 24:18 во меч во кој главна улога имаа голманите и во кој Унгарија не успеа да постигне гол во последните 13 минути од мечот.
Овој резултат исто така ги става Унгарците во ситуација во која ќе мораат да ја победат Португалија во последниот меч за да се пласираат во полуфинале и тоа само доколку Словенија не успее да извлече барем поен против Норвешка. Доколку Словенија и Унгарија имаат ист број на поени (односно Унгарците ја победат Португалија, а Словенците загубат од Норвешка), во полуфиналето ќе биде Унгарија поради тоа што во меѓусебниот дуел ги победија Словенците.
Унгарците први поведоа, но во текот на целото прво полувреме беа уфрлени само 19 голови, и Швеѓаните имаа минимална предност од 10:9. Играта беше идентична до средината на второто полувреме, но тогаш од 47. минута (кога беше 18:18), Унгарците не постигнаа ниту еден гол во последните 13 минути и доживеаја „потоп“ од 24:18.
Џим Готфридсон и Лукас Пелас беа најефикасни за Швеѓаните со по пет постигнати голови, додека Золтан Сита имаше четири гола како најефикасен Унгарец.
ЕВРОПСКО ПРВЕНСТВО, 2. ФАЗА, ГРУПА 2
Португалија – Словенија 24:29 (15:14)
Норвешка – Исланд 31:28 (19:12)
Унгарија – Шведска 18:24 (9:10)
Watch the Game Highlights from Hungary vs. Sweden, 01/21/2020 pic.twitter.com/lLTcaN5VK3
— EHF EURO (@EHFEURO) January 21, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ако се повредат Ѓоковиќ, Синер, Алкараз тогаш Надал може да го освои Ролан Гарос“
Поранешниот тренер и стрико на Рафаел Надал, Тони зборуваше за „АС“ пред стартот на Мастерсот во Мадрид. Неговиот внук, Рафа, во Мадрид ќе го одигра вториотпоследовен турнир, откако по долгата пауза настапи на турнирот од серијата 500 во Барселона, каде во второто коло беше поразен од Алекс Де Минор.
Јасна е целта на Надал, овие турнири ги користи како подготовка за Ролан Гарос, турнир кој 14 пати го освоил вотекот на кариерата.
„Секако, Рафа може да го освои Ролан Гарос, но прво треба да се погрижиме Алкараз, Ѓоковиќ, Синер и останатите да се повредат“, се пошегува Тони во интервју за шпански „Ас“ и додаде:
„Сите знаеме дека нема играно скоро една година. Кога се појави на теренот во Барселона, поминаа околу 700 дена без да негов настап на земјена подлога“.
Сепак, Рафа нема да се откаже.
„Има уште еден месец до почетокот на Гарос. Доколку успее да го доведе телото да го подготви физички, ќе му требаат само неколку натпревари, но под услов ждрепката за првите неколку кола во Париз да не биде тешка. На Отвореното првенство на Австралија пред две години, помислив дека не може да победи никого. Во првите две кола лошо се движеше, но некако успеа да дојде до четвртфиналето и се се смени, успеа да ја освои титулата“.
Спорт
„Поради Белингем ќе заврне дожд од милиони евра во Дортмунд“
Шпанските медиуми најавуваат огромен паричен бонус за Борусија Дортмунд поради настапите на Џуд Белингам оваа сезона.
Белингем блесна во својата прва сезона во Реал Мадрид, како најдобра стрелец го предводи тимот до титулата во Ла Лига и полуфиналето на Лигата на шампионите.
20-годишниот Англичанец минатото лето пристигна на „Сантијаго Бернабеу“ за 103 милиони евра, но трансферот може да се зголеми поради одредени бонуси.
„Ќе заврне дожд од милиони евра во Дортмунд“, пренесува весникот „АС“.
Наводно, преку дополнителни бонуси за постигнати голови, индивидуални и клупски трофеи, Борусија би можела да заработи уште 30 милиони евра.
Белингем постигна 17 гола со четири асистенции на 25 натпревари во Ла Лига. Во сите натпреварувања, Англичанецот постигна 21 гол на 36 натпревари со десет асистенции.
„АС“, наведува дека ова ја зголемува вкупната сума на трансферот, која може да се зголеми во зависност од минутите што ќе ги одигра Белингем до крајот на сезоната и можниот избор во идеалните тимови во Ла Лига и ЛШ.
Белингем, во понеделникот стана лауреат на Лауреус, добивајќи ја наградата за „Пробив на годината“.
„АС“, во својот текст посочува дека германскиот клуб исто како и мадриѓаните го слави секој негов настап, гол, асистенција…
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.