Селекторот на фудбалската репрезентација на Србија, Драган Стојковиќ – Пикси и се извини на нацијата за фијаското на Светското првенство во Катар. Србите на Мундијалот заминаа со големи амбиции, но завршија како последни во групата со Бразил, Камерун и Швајцарија.

Пиксе, во понеделникот, ги собра репрезентативците за престојните квалификациски натпревари за пласман на Европското првенство во Германија.

„И должам на нацијата извинување за очекувањата во врска со Светското првенство, без разлика дали беа претерани или не. Им должам извинување најмногу на оние луѓе кои беа во Доха, кои ни дадоа неверојатна поддршка, бидејќи ги разочаравме со постигнатите резултати. Сите очекувавме да го поминеме првиот круг. Имавме проблеми, но не бараме алиби. Пласманот на ЕП треба да го врати угледот што го создаваме две години“, рече Стојковиќ и додаде:

„Бев разочаран, што е сосема нормално. Не ја исполнивме целта, но не видов никаква трагедија во тоа. Ти треба и малку спортска среќа, ја немавме за разлика од некои други тимови, на кои среќата им беше добар пријател. Направив длабока анализа на се, од првиот тренинг до последниот ден. Се сметам себеси за одговорен. Јас сум одговорен за се што се случи и тука нема простор за дискусија. Како што одлучувам за ростерот, кој ќе игра, истото важи и за тој резултат. Заврши еден циклус од две години, бевме добри, па малку паднавме, сега е нов, со голема желба да одиме во Германија. Мислам дека имаме квалитет за тоа, но ќе одиме чекор по чекор.“

Србија во петок ќе ја пречека Литванија, а в понеделник ќе гостува во Црна Гора.

Фудбалскиот клуб Севилја се подготвува за уште една тренерска смена. Според шпанските медиуми, тренерот Хорхе Сампаоли ќе добие отказ. Аргентинецот, минатата есен, го замени на кормилото Хулен Лопетеги, кој си замина поради лошите резултати.

Севилја, вчера, доживеа пораз во Мадрид од Хетафе (2:0) и до крајот на сезоната
е води жестока борба за опстанок во Примера. Севиља е 14. на табелата со 28 бодови, два повеќе од опсната зона и само една победа во последните пет натпревари.

Наводно, прв кандидат за негово замена е Хозе Бордалас, поранешниот тренер на Хетафе и Валенсија. Втор на оваа лста е поранешниот тренер на Еибар, искусниот Хозе Луис Мендилибар, добро познато име во Ла Лига, но Бордалас наводно е првиот пик.

Севилја и покрај лошата сезона во Примера, стигна до четвртфиналето во Лига Европа, каде за противник го има Манчестер јунајтед.

Ферари забележа втор тежок викенд на почетокот на сезоната, бидејќи Карлос Саинц и Шарл Леклер завршија на шестото и седмото место на трката за Големата награда на Саудиска Арабија. Леклер уште еднаш го повика тимот да ги подобри своите перформанси.

Возачот од Монте Карло призна дека се надевал на посериозна борба со возачите на Мерцедес, но и дека Џорџ Расел и Луис Хамилтон се покажале недостижни за него и за Карлос Саинц.

„Не знам дали болидите на Мерцедес беа толку недостижни. Се приближив до Карлос на секунда и пол, но повеќе од тоа не успеав. Направив мала грешка, кога бев во ДРС зоната на Саинц и после тоа не можев да направам ништо“, објасни Леклер.

Возачот на Ферари остана доследен на приказната дека Ферари има уште многу работа доколку сака да напредува.

„Не очекува многу, многу напорна работа. Нашите ривали се многу побрзи на правците, беа уште побрзи во свиоците“.

Леклер не ја заврши првата трка, Големата награда на Бахреин, а од почетокот на сезоната во неколку наврати го предупреди Ферари дека тимот мора да ги подобри перформансите доколку сака да влезе во битката за првото место.