Њукасл јунајтед, со новите газди, стана најбогатиот фудбалски клуб во светот. Менаџерот на Ливерпул, Јирген Клоп, во интервју за германскиот „Скај спорт“, го споредил Њукасл со проектот европска Супер лига.

„Со право, фудбалскиот беше загрижен поради проектот Суперлига. Њукас е Суперлига во еден клуб. Гарантирана му е доминантна улога во европскиот фудбал во наредните 20-30 години. Постои веројатност дека ќе ги зезнете работите со толку многу пари, но долгорочно, во фудбалот има многу квалитетни луѓе, порано или подоцна Њукасл ќе ги пронајде. Така стојат работите. Мораме да живееме со ова“, рекол Клоп.

Јасно е дека целта со оваа сезона е Њукасл да преживее во Премиер лигата, а потоа да ги „нападнат“ големите имиња во летниот преоден рок, по примерот на Манчестер сити и ПСЖ.

„Доколку разговараме само за фудбалот, на долги патеки, Њукасл ќе бидат супер сила. Ова е третиот клуб во светскиот клуб, за кој знам, дека му припаѓа на една држава. Очигледно е дека е во сопственост на најбогатото семејство во светот“, изјавил Клоп и потоа ја коментирал политичката ситуација во Саудиска Арабија.

„Можеби не треба да го коментирам тоа, можеби тоа не е моја работа, но постојат две различни мислења околу почитувањето на човековите права во Саудиска Арабија“.

Гробарот на Барселона, како што во Каталонија го нарекоа поранешниот претседател на Барселона, Џосеп Марија Бартомеу, прв пат се огласи во јавноста по заминувањето од клубот.

Бартомеу го обвини својот наследник за заминувањето на Лионел Меси и рекол дека реалниот долг на Барселона е помал од она што се прикажува. За потсетување, Барселона должи 1.350.000.000 евра.

„Ова лето дозволија да си замине Лео Меси. Тоа е лоша одлука. Сега мора да се менуваат многу работи. Да бев претседател ќе направев се за да го задржам Меси“, рекол Бартомеу.

„Ризик од банкрот не постои. Да, минусот постои, но тоа е само поради пандемијата. Не заборавајте дека Барселона има голем капител, во играчите, стадионот, високата вредност на пазарот…Ние не работевме катастрофално како што тоа се обидуваат да го прикажат УЕФА, Ла Лига и ревизорите. Според „Форбс“ ние сме највредниот клуб во светот! Пандемијата предизвика пад на приходите од 500.000.000 евра за минатата сезона. Невозможно беше да се контролира ситуацијата во услови на пандемија. Многу клубови се погодени од она што се случи. Им порачувам на членовите на клубот и навивачите да не се грижат“, рекол меѓу другото Бартомеу.

Во морето лоши конечно и една добра вест за тренерот на Милан, Сефано Пиоли. Златан Ибрахимовиќ е подготвен да се врати на фудбалските терени.

Шведскиот ветеран, сезонава има одиграно само еден натпревар, против Лацио на 12.септември. На тој меч постигна гол и се повреди.

Вечра, Ибрахимовиќ, го одработил комплетниот тренинг со соиграчите. Голема е веројатноста дека Ибрахимовиќ го добие шанса, утре на натпреварот против Верона.

Натпреварот кој ќе започне во 20.45 часот, поради повредата ќе го пропушти првиот голман Мајк Мењан, а во изолација поради коронавирусот е Тео Ернандез.