Спорт
Ван Дајк – фудбалер на сезоната според фудбалерите, Стерлинг е најдобриот за новинарите
Напаѓачот на Манчестер Сити, Рахим Стерлинг (24) е прогласен за најдобар фудбалер на сезоната во Англија во изборот на Здружението на фудбалски новинари, додека, пак, за Здружението на професионални фудбалери најдобар во сезоната е Вирџил ван Дајк (27), дефанзивецот на Ливерпул.
Стерлинг во изборот на Здружението кои има над 400 членови славеше токму пред Ван Дајк и пред соиграчот, Серхио Агуеро.
Младиот англиски напаѓач стана првиот „граѓанин“ кој ја добил најстарата англиска индивидуална фудбалска награда по Тони Бук во 1969 година.
Здружението на фудбалски новинари наградата ја доделува од 1948 година, а прв добитник е Стенли Метјус, додека, пак, рекордер е Тиери Анри кој трипати се закити со ласкавото признание.
Стерлинг сезонава постигна 23 гола надополнети со 17 асистенции.
Во изборот на Здружението на професионални фудбалери Ван Дајк зад себе ги остави Стерлинг, Бернардо Силва, Серхио Агуеро, Садио Мане и Еден Азар.
Ван Дајк е првиот дефанзивец, по Џон Тери во 2005 година кој стигнува до оваа награда.
Фудбалските професионалци најдобриот во сезоната го одбираат уште од 1974 година, а прв кој се закитил со наградата е Норман Хантер, од Лидс.
Интересно е дека и двете споменати награди минатата сезона ги освои напаѓачот на Ливерпул, Мохамед Салах.
Congratulations, VVD! ? @VirgilvDijk has been named as the @PFA Players’ Player of the Year. ? #PFAawards pic.twitter.com/asSm60VFJS
— Liverpool FC (@LFC) April 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.