Спорт
Ван дер Варт за Рајс: Вреди 120 милиони, а само ја враќа топката назад
Поранешниот холандски репрезентативец, Рафаел ван дер Варт жестоко го критикуваше англискиот играч за врска Деклан Рајс.
Фудбалерот на Арсенал беше во стартниот состав на секој натпревар на Англија на Европското првенство во Германија. „Топчиите“ за трансферот на Рајс на Вест Хем му платија 116 милиони евра, а неговата моментална вредност на „Трансфермаркт“ е 120 милиони евра.
„Сто и дваесет милиони евра за Деклан Рајс… Што прави? Тој доаѓа по топката, а потоа му ја враќа на Џон Стоунс. Џабе е. Ако вредиш 120 милиони евра, треба да знаеш да додадеш напред“, изјави Холанѓанецот за холандската телевизија НОС.
Ван дер Варт не ги поштеди ниту останатите избраници на Герет Саутгејт. Откако Холандија беше елиминирана од Гордиот Албион во полуфиналето, тој изјави:
„Англија е лоша репрезентација. Имаат врвни играчи, но играат како да не им се игра“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челзи ќе покрене судска постапка против Сити
Челзи и Манчестер Сити наскоро би можеле да завршат во сериозна правна битка околу Енцо Мареска.
Според англиските медиуми, клубот од „Стемфорд Бриџ“, планира официјална жалба и потенцијална правна постапка против Сити поради начинот на кој италијанскиот тренер го напушти Челзи претходно оваа година.
Мареска ненадејно ја напушти клупата на „сините“ на почетокот на годината, а сега е главен кандидат да го наследи Пеп Гвардиола во Манчестер Сити.
Во Челзи веруваат дека токму контактите со Сити сериозно го дестабилизирале тимот и ја уништиле сезоната на лондонскиот клуб.
Наводно, за време на престојот во Челзи, Мареска ги информирал сопствениците на клубот дека разговара со Сити, а оваа информација никогаш не била официјално демантирана.
Затоа, Челзи е подготвен да бара финансиска отштета „граѓаните“, но и да го отвори прашањето за околностите под кои Италијанецот го напуштил клубот.
Според британските медиуми, Челзи би морал официјално да поднесе жалба до Премиер лигата, која потоа би била должна да спроведе истрага. Се очекува целиот случај дополнително да ескалира во моментот кога Сити официјално ќе го објави назначувањето на Мареска.
Мареска пристигна во Челси во летото 2024 година откако ја освои Чемпионшип лигата со Лестер, а во својата прва сезона ја освои Лигата на конференции на УЕФА и Светското клупско првенство на ФИФА.
Сепак, односите со клупските челници брзо се влошија. Челси беше втор на табелата во Премиер лигата на почетокот на декември, но потоа имаше голем пад на формата и само една победа во седум натпревари.
Кулминацијата дојде кога Мареска ги прескокна медиумските обврски по ремито со Борнмут, по што набрзо беше отпуштен.
Оттогаш, Челси смени дури четири тренери, а во моментов е десетти на табелата. Клубот веќе го договори доаѓањето на Чаби Алонсо од следното лето.
Спорт
(Видео) Борнмут го запре Сити, Арсенал е шампион по 22 години
Арсенал е новиот шампион на Англија. Во натпреварот од 37-то коло од Премиер лигата, Манчестер Сити ремизираше 1:1 на гостински терен кај Борнмут и со тоа остана на 78 бода, четири помалку од Арсенал пред последното коло од Премиер лигата.
На тимот на Пеп Гвардиола му беше потребна победа во овој натпревар за да остане во трката за титулата, но четата на Гвардиола не успеа, штп значи дека по 22 години Арсенал повторно е шампион на Англија.
Голот за домаќините го постигна Ели Жуниор Крупи во 39-та минута, додека Ерлинг Халанд постигна гол за 1:1 во петтата минута од судиското продолжение за израмнување и драма на крајот.
Foto/ EPA
Спорт
Аферата „Спајгејт“ го остави Саутемптон без можност да се бори за место во Премиер лигата
Иако на теренот изборија место во финалето на плејофот за пласман во Премиер лигата, фудбалерите на Саутемптон нема да се борат на Вембли за влез во елитата бидејќи беа прогласени за виновни во сега веќе познатата шпионска афера.
Можност да игра во најскапиот меч во светот (победникот добива 200 милиони фунти), добија фудбалерите на Мидлзбро. ќе се сретне со Хал на Вембли утре.
Мидлсбро побара Саутемптон да биде исфрлен од плејофот откако објави дека бил жртва на шпионажа на тренинг, два дена пред првиот полуфинален натпревар. Клубот изјави како го фатиле аналитичарот на Саутемптон додека се криел во грмушките и го снимал нивниот тренинг.
Sky Sports News has obtained a photo that shows a man outside Middlesbrough’s training ground with a camera.
The picture has emerged after a complaint from Middlesbrough that a member of Southampton’s staff spied on one of their training sessions ahead of the play-off tie. pic.twitter.com/o0P0adAuLb
— Sky Sports News (@SkySportsNews) May 13, 2026
Саутемптон беше казнет и со одземање на четири бода на почетокот од следната сезона во Чемпионшип.
Финалето е сè уште закажано да се одржи оваа сабота на стадионот „Вембли“. Саутемптон има право на жалба, а комисијата има намера да одлучи за евентуалните приговори до крајот на утрешниот ден, со цел да се обезбеди непречено одвивање на финалниот натпревар.
