Спорт
Вардарци шампионски против амбициозниот битолски ривал 35-27
Актуелниот македонски ракометен шампион, тимот на Вардар 1961 попладнево во салата „Јане Сандански“ во Скопје славеше убедлива победа со 8 гола разлика против големиот ривал, битолски Еурофарм Пелистер со резултат 35-27.
Иако ракометното дерби се најавуваше целата седмица, тоа не донесе неизвесност каква што се очекуваше. Скопскиот тим доминираше, а во еден момент од второто полувреме вардарци имаа предност и од +10.
Резултатот беше изедначен само во првите петнаесетина минута, но откако Вардар заигра посилно во одбраната, резултатот на семафорот се смени. „Црвено-црните“ предводени во тој период од Гаџа направија добра предост 13-7 што ја контролираа до крајот на првиот дел. На полувреме се отиде со +5 за актуелниот шампион, 17-12.
Битолската екипа на стартот на второто полувреме се обиде да фати приклучок со игра „7 на 6“, но тактиката не вроди со плод. Вардарци се одлепија на +8 (23-15), па амбициите на избраниците на Жељко Бабиќ како да спласнаа.
До крајот на мечот вардарци рутинирано го приведоа до крај мечот кој се очекуваше да биде вистинско ракометно дерби.
Анте Гаџа и Дисингер со по 7 гола беше најпрецизни во победничкиот тим, додека Чупиќ постигна 5.
Кај Еурофарм Пелистер најрасположени за игра беа Стипе Мандалиниќ со 8 гола и Граџан со шест гола.
Фото: ФБ – РК Вардар 1961
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Поради Белингем ќе заврне дожд од милиони евра во Дортмунд“
Шпанските медиуми најавуваат огромен паричен бонус за Борусија Дортмунд поради настапите на Џуд Белингам оваа сезона.
Белингем блесна во својата прва сезона во Реал Мадрид, како најдобра стрелец го предводи тимот до титулата во Ла Лига и полуфиналето на Лигата на шампионите.
20-годишниот Англичанец минатото лето пристигна на „Сантијаго Бернабеу“ за 103 милиони евра, но трансферот може да се зголеми поради одредени бонуси.
„Ќе заврне дожд од милиони евра во Дортмунд“, пренесува весникот „АС“.
Наводно, преку дополнителни бонуси за постигнати голови, индивидуални и клупски трофеи, Борусија би можела да заработи уште 30 милиони евра.
Белингем постигна 17 гола со четири асистенции на 25 натпревари во Ла Лига. Во сите натпреварувања, Англичанецот постигна 21 гол на 36 натпревари со десет асистенции.
„АС“, наведува дека ова ја зголемува вкупната сума на трансферот, која може да се зголеми во зависност од минутите што ќе ги одигра Белингем до крајот на сезоната и можниот избор во идеалните тимови во Ла Лига и ЛШ.
Белингем, во понеделникот стана лауреат на Лауреус, добивајќи ја наградата за „Пробив на годината“.
„АС“, во својот текст посочува дека германскиот клуб исто како и мадриѓаните го слави секој негов настап, гол, асистенција…
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.