Спорт
Весли: Да се игра во Премиер лигата е лесно кога ќе станеш татко на 14 години
Напаѓачот на Астон вила, Бразилецот Весли вели дека настапите во Премиер лигата се „послатки“ откако во неговиот живот помина толку многу пречки за да стигне до фудбалската елита, вклучувајќи го фактот што станал татко на 14 години.
Весли бил одбиен од Атлетико Мадрид, Нанси и Евијан по фудбалските тестови, пред да почне да работи во локална фабрика во татковината. Повикот од словачкиот тим Тречнин го натерал да се врати на фудбалот, пред да замине во Бриж и ова лето да стане најскапото засилување во историјата на Астон вила.
Проблемите во фудбалот се минимални во споредба со тоа што тој проживеал во приватниот живот. Весли останал без татко кога имал 9 години, а на 14 години самиот станал татко. Неговата мајка се покажала како клучна во неговата кариера.
„Кога почина мојот татко, беше тешко да сум сам со мама и со моите браќа, но таа работеше за мене и сè што денеска го правам, го правам за неа. Кога ќе завршам со било кој тренинг, и се јавувам на телефон. Го добив првото дете кога имав 14 години, во период кога се обидував да направам кариера со фудбалот. Морав да работам во текот на денот, и вечерта да одам на тренинзи“, вели 22-годишниот Весли во интервју за „Скај спорт“.
Покрај сите овие проблеми, тој има и физички недостаток – едната нога му е пократка од другата.
„Тоа е најмалиот проблем. Среќен сум што сум во Премиер лигата, најсилната лига на светот. Секој ден размислувам за минатото, за тоа како ме одбиваа, така што сега сум среќен. Се надевам дека така ќе продолжи“, додава Весли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.