Спорт
Вестбрук незапирлив за Милвоки, 40 поени на Дончиќ недоволни за победа
Брилијантните партии на Јанис Адекокумпо и Лука Дончиќ не им беа доволни на Милвоки, односно Далас да забележат победи во НБА лигата. Хјустон го победија Милвоки во дербито 120:116, а Финикс за два поени (117:115) беа подобри од Далас.
Расел Вестбрук го предводеше Хјустон до победата во пенал-завршницата над Милвоки. Рас постигна 31 поен, на кои придодаде шест скока и осум асистенции. Џејмс Харден немаша добра шутерска вечер, постигна 24 поени (8/24 од поле).
Хјустон на овој меч поставија рекорд, шутаа 61 тројка, погодија 21.
Кај Милвоки се истакнаа Адетокумпо со 36 поени, 18 скокови и осум асистенции, односно Крис Мидлтон со 27 поени и 12 скока и Брук Лопез со 23 поени и 12 скока.
Далас против Финикс имаа предност од 15 поени на полувремето, меѓутоа не успеаја да победат. Финикс одиграа брилијантна трета четвртина во која ја стигнаа и престигнаа предноста на Далас.
Девин Букер за Финикс забележа 30 поени, три скока и четири асистенции, Рики Рубио постигна 20 поени, на кои придодаде девет скока и седум асистенции.
Лука Дончиќ на спротивната страна натпреварот го заврши со 40 поени, погоди 18 од 19 слободни фрлања, осум скока и 11 асистенции, а Кристапс Прозингис постигна 30 поени.
Резултати:
Бруклин-Вашингтон 118:110
Бостон-Портланд 128:124
Мемфис-Сан Антонио 106:108
Орландо-Сакраменто 132:116
Хјустон-Милвоки 120:116
Финикс-Далас 117:115
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.