Спорт
Ветерот направи хаос, Ван Ерт со втора етапна победа на ТдФ
Белгиецот Вут ван Ерт стигна до својата втора етапна победа на овогодишната Тур де Франс, откако ветерот направи хаос на седмата етапа од Милау до Лавар во должина од 168 километри во која дел од ривалите за победа во генерален пласман загубија време.
Ван Ерт предводеше група на велосипедисти за да ја донесе третата етапна победа на тимот на Џамбо-Висма и во исто време да помогне Петер Саган да се врати со зелената маичка како најдобар спринтер, додека Тадеј Погачар, Микел Ланда, Ричи Порти и Бауке Молема загубија време во борбата за жолтата маичка. 21-годишниот Словенец Погачар, загуби повеќе од една минута за да испадне од топ 10 и да ја загуби белата маичка како најдобар млад велосипедист.
Британецот Адам Јејтс (Мичелтон-Скот) успешно се избори за да остане со жолтата маичка со три секунди пред Словенецот Примож Роглич (Џамбо-Висма), додека Французинот Гијом Мартин (Кофидис) е трет со девет секунди заостанување.
Иако се очекуваше дека етапата ќе биде совршена за спринтерите, поголемиот дел од велосипедистите беа „заглавени“ на дното во првите 10 километри откако тимот на Саган, Бора-Хансгрое наметна френетично темпо. Ирецот Сем Бенет (Квик Степ) беше тие кои беа „фатени“ од нападот и Саган му ја зеде зелената маичка.
Ван Ерт сега ќе треба да биде помошник на колегата Роглич и петтопласираниот Том Думулин во саботната етапа на Пиринеите, која е прва од двете планински етапи во кои ќе се тестира кој може да биде победник во генерален пласман по една недела тркање.
? Un rythme très élevé du début à la fin, des bordures… Etape dantesque aujourd'hui sur la route du Tour ! ?
? Il faudra plus qu'une minute pour résumer tout ce qui s'est passé, mais en voici l'essentiel !#TDF2020 #TDFunited pic.twitter.com/Y6wNOo9H4L
— Tour de France™ (@LeTour) September 4, 2020
?
After a crazy Stage 7, @woutvanaert claims his second stage victory on Tour de France 2020 ! ↪️ Relive the last KM of Stage 7!Wout Van Aert remporte sa seconde victoire d'étape sur le Tour de France 2020 ! ↪️ Revivez le dernier kilomètre de l'étape 7 !#TDF2020 pic.twitter.com/bKGRRdPGxt
— Tour de France™ (@LeTour) September 4, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.