Спорт
(Видео) Дембеле и на „Енфилд“ го реши Ливерпул
Бранителот на титулата во Лигата на шампионите, ПСЖ, избори пласман во полуфиналето. „Светците“ и во реваншот го победија Ливерпул со 2:0. Дбата гола ги постигна Усман Дембеле.
ПСЖ стана првиот француски клуб кој стигна до три последователни полуфиналиња од елитното натпреварување.
Ливерпул се обиде да го надомести дефицитот, поткрепен со гласна поддршка од трибините, но ПСЖ беше прв што сериозно се закани. Усман Дембеле имаше добра шанса, но голманот Мамардашвили успеа да интервенира. Набрзо, Французинот имаше уште една шанса, но промаши од непосредна близина.
Проблемите за Ливерпул беа дополнително усложнети кога Уго Екитике мораше да го напушти теренот поради повреда, поради што на теренот влезе Мохамед Салах.
Египќанецот веднаш внесе живост во играта. Неговата топка го најде Конате, кој му ја спушти на Керкез, но голманот Сафонов реагираше брилијантно. Во продолжението на акцијата, Маркињос го спречи Ван Дајк да ја затресе мрежата.
Во второто полувреме, Ливерпул го зголеми притисокот. Коди Гакпо и Џо Гомез имаа обиди, додека пеналот против Алексис Мекалистер беше поништен по проверка на ВАР, по стартот на Вилијан Пачо.
Казната дојде во 70-та минута. Хвича Кварацелија идеално му асистираше на Дембеле, кој се позиционираше на левата нога и со прецизен удар го совлада Мамардашвили.
На самиот крај, ПСЖ ја запечати победата. Баркола асистираше, а Дембеле го постигна својот втор гол за конечни 2:0.
„Светците“ со тоа го елиминираа петтиот англиски клуб во нокаут фазата во последните две сезони и го потврдија статусот на еден од главните фаворити за трофејот.
Од друга страна, Ливерпул останува без ниту еден трофеј оваа сезона, а Арне Слот и тимот сега ќе се борат за петтата позиција во Премиер лигата, што би можело да одлучи и за неговата иднина на клупата на клубот од Енфилд.
Избраниците на Луис Енрике ќе се борат за финалето против подобриот тим од дуелот помеѓу Реал и Баерн. Баварците го добија првиот натпревар во Минхен со резултат од 2:1.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Анчелоти го објави спискот, Нејмар ќе игра на СП
Селекторот на фудбалската репрезентација на Бразил, Карло Анчелоти го објави списокот од 26 играчи што ќе ги предводи на Светското првенство во 2026 година.
Најголемата вест е враќањето на Нејмар, за кого ова ќе биде четврти настап на СП, а воедно и прв повик под водство на италијанскиот стручњак.
Голмани: Алисон (Ливерпул), Едерсон (Фенербахче) и Вевертон (Гремио)
Одбрана: Алекс Сандро (Фламенго), Бремер (Јувентус), Данило (Фламенго), Даглас Сантос (Зенит), Габриел Магаљаеш (Арсенал), Ибањез (Ал-Ахли), Лео Переира (Фламенго), Маркињос (ПСЖ) и Весли (Рома)
Играчи од средниот ред: Бруно Гимараеш (Њукасл), Касемиро (Манчестер Јунајтед), Данило Сантос (Ботафого), Фабињо (Ал-Итихад) и Лукас Пакета (Фламенго).
Напаѓачи: Ендрик (Лион), Габриел Мартинели (Арсенал), Игор Тиаго (Брентфорд), Луис Хенрике (Зенит), Матеус Куња (Манчестер Јунајтед), Нејмар (Сантос), Рафиња (Барселона), Рајан (Борнмаут) и Винисиус Жуниор (Реал Мадрид).
Бразил ќе игра во групата Ц на Светското првенство со Мароко (13 јуни), Хаити (19 јуни) и Шкотска (24 јуни).
Пред тоа, ќе имаат два теста против Панама (31 мај) и Египет (6 јуни).
Foot/ Depositphotos
Спорт
(Видео) Арсенал е на чекор до титулата во Премиер лигата
Фудбалерите на Арсенал го победија Барнли со 1:0, во 37-то коло од Премиер лигата.
Домашниот тим се доближи до титулата на која чека од 2004 година. На овој натпревар еден гол им беше доволен за победа.
Арсенал го контролираше натпреварот, Барнли немаше ниту еден удар кон голот на Давид Раја ниту во првото ниту во второто полувреме.
Тимот од Лондон поведе во 37-та минута, по корнерот на Букајо Сака, Каи Хаверц го следеше додавањето и постигна гол за 1:0.
Пред водечкиот гол, Арсенал два пати бараше пенал, но ВАР собата ги потврди одлуките на судијата на теренот.
Во вториот дел Езе имаше две шанси да ја потврди победата, но во Англија ќе се дебатира за одлуката во 68-та минута, кога Хаверц се извлече само со жолт картон.
Арсенал е сè уште прв на табелата во Премиер лигата со 82 бода, пет повеќе од Манчестер Сити, кој има натпревар помалку.
Доколку Сити ги добие двата преостанати натпревари, на Арсенал ќе му биде потребна победа во последното коло за да ја освои титулата, бидејќи Сити ќе има подобра гол-разлика во тој случај.
Foto/ EPA
Спорт
Дејли Мејл: Гвардиола во недела си оди од Манчестер Сити
Пеп Гвардиола ќе го напушти Манчестер Сити, ќе го напушти клубот, во недела, по последниот натпревар во Премиер лигата, тврди „Дејли Мејл“.
До крајот на сезоната остануваат уште два натпревари за Манчестер Сити, останува и надеж дека можеби оваа година „сините“ ќе го кренат трофејот наменет за шампионот на Англија.
А потоа, пишува „Дејли Меил“, Пеп ќе го означи крајот на престојот на „Етихад“.
„Гвардиола ќе ја спушти завесата на десетте магични години на „Етихад“ во кои го направи Сити еден од најблиските клубови во светот и освои 20 трофеи“.
Овој извор, соопшти дека клубот ги информирал спонзорите и партнерите дека наскоро ќе мора да ја потврдат веста. Сепак, тоа не се очекува да се случи пред да заврши сезоната во недела.
Очигледно, сè што Гвардиола направил во своите десет години на „Етихад“ ќе биде прославено во понеделник – со парада во Манчестер за време на која тимот ќе се вози во автобус со отворен кров.
До крајот на сезоната, Сити има уште два натпревари – во вторник (20:30 часот) гостува кај Борнмут, а во недела, во последното коло, ја пречекува Астон Вила.
Сите натпревари од последното коло од Премиер лигата традиционално ќе започнат во 17 часот.
Foto/ Depositphotos
Анчелоти го објави спискот, Нејмар ќе игра на СП
Селекторот на фудбалската репрезентација на Бразил, Карло Анчелоти го објави списокот од 26 играчи што ќе ги предводи на Светското...
(Видео) Арсенал е на чекор до титулата во Премиер лигата
Фудбалерите на Арсенал го победија Барнли со 1:0, во 37-то коло од Премиер лигата. Домашниот тим се доближи до титулата...
Дејли Мејл: Гвардиола во недела си оди од Манчестер Сити
Пеп Гвардиола ќе го напушти Манчестер Сити, ќе го напушти клубот, во недела, по последниот натпревар во Премиер лигата, тврди...
Американец почина од хантавирус: „Изворот на инфекцијата сè уште се истражува“
Возрасно лице од Колорадо почина откако беше потврдено дека има хантавирус, случај кој не е поврзан со ширењето на вирусот...
(Видео) Маж и жена се обиделе да прошверцуваат бебиња мајмуни скриени во долна облека
Колумбиските власти уапсија маж и жена на меѓународниот аеродром Рафаел Нуњез во Картагена, откако открија грозоморен обид за прошверцување на...
(Видео) Детали за пукањето во Турција: Ја убил поранешната сопруга, а потоа следел крвав напад
Најмалку пет лица беа убиени денес, а седум беа ранети, кога вооружен напаѓач отвори оган во близина на градот Мерсин...
„Вреди“ за протестите: Зошто Ахмети се крие зад студентите, го потпалува огнот позади, додека ги турка другите напред
Вистината мора да се каже јасно и гласно: студентите протестираа против неправда која потекнува токму од времето на владеењето на...
Шефoт на естонската разузнавачка служба: Времето не е на страната на Путин
Русија се бори со растечкиот домашен притисок поради неуспесите на украинското бојно поле и економските тешкотии, изјави Каупо Росин, директор...
„Њујорк Тајмс“: САД и Израел подготвуваат нови воени операции против Иран веќе оваа недела
Соединетите Американски Држави и Израел подготвуваат можни нови воени операции против Иран уште оваа недела, пишува „Њујорк Тајмс“, повикувајќи се...