Спорт
(Видео) Феенорд го победи Милан, Баерн триумфираше во Шкотска, Бенфика победи кај Монако
Фудбалерите на Феенорд, Баерн и Бенфика стекнаа предност пред реваншите за пласман во осминафиналето во Лигата на шампионите во дуелите со Милан, Селтик и Монако.
Феенорд на донашен терен го победи Милан со 1:0. Стрелец на голот во третата минута беше Игор Паишао.
Се чинеше дека фудбалерите на Милан подобро го започнаа овој натпревар откако Тијани Рејндерс имаше шанса на почетокот од третата минута, но веќе во следниот напад гостите ги шокираше Паишао.
Овој гол му оди на душа на голманот на Милан, Мајк Мењан, кој очајно реагираше по ударот на Бразилецот.
Во следните неколку минути Феенорд беше подобриот противник во играта и во тие моменти имаше можност дополнително да го казни грогираниот противник.
Кога Милан се опорави од раниот шок, успеа да воспостави рамнотежа на теренот и имаше поголем посед на топка, што не знаеше да го искористи на вистински начин.
Феенорд со директниот фудбал им правеше многу проблеми на играчите на Милан, а Паишао на почетокот од вториот дел ја погоди гредата.
Како што одминуваше времето играчите на Феенорд се определија да ја чуваат предноста, а Милан немаше сили да направи посериозен притисок.
Баерн во Глазгов славеше победа 2.1 над Селтик
Баерн имаше речиси сигурна победа во своите раце, но Селтик режираше драмата во последните 10 минути.
Тимот од Минхен ја контролираше играта во првото полувреме, поседот беше на нивна страна, имаа пет удари кон голот на Селтик, но само еднаш ја погодија мрежата.
Од друга страна, Селтик немаше ниту еден удар кон голот на Баерн.
Се играше 45. минута кога Баварците поведоа, Дајот Упамекано го проигра Мајкл Олисе за водство од 1-0.
Веднаш на почетокот на второто полувреме, Баерн ја удвои предноста, Џошуа Кимих му асистираше на Хари Кејн, кој рутински постигна гол за 2-0.
Селтик делумно се разбуди во вториот дел, но Баерн пропушти шанси да ја зголеми предноста.
Конечниот резултат го постави Дајзен Маеда во 79. минута и со тоа ја намали негативата на Селтик пред реваншот на Алијанц Арена.
Бенфика со минимален резултат победи на гостувањето кај Монако.
Првото полувреме мина без голови, но потоа на стартот од второто тимот од Португалија поведе.
Во 48. минута Вангелис Павлидис погоди и го доведе својот тим во водство од 1:0.
За работата да биде уште полоша за Монако, се погрижи во 52. минута Ал Мусрати кој го доби вториот жолт картон и беше исклучен.
Бенфика можеше и поубедливо да победи, целосно ја презеде иницијативата во вториот дел, но Монако одолеа на нападите.
Реваншите на програмата се во вторник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сензационалната Андреева преку Шјонтек до финалето во Индијан Велс
Руската сензација Мира Андреева избори пласман во финалето на Мастрсот во Индијан Велс.
Во полуфиналето 17-годишната Андреева ја надигра Ига Шјонтек со 7:6, 1:6, 6:3. Ова е втор последовно финале за Андреева на турнирите од Мастерс серијата, откако пред три недели играше во финалето во Дубаи. Интересно и во Дубаи во полуфиналето ја победи Швјонтек.
„Голема победа во тешки услови. Не успеав да ја искористам мојата шанса во првиот сет, но кога стигнав до тај-брејк се чувствував многу самоуверено. Го играв како да ми е последен во животот. Мојот сервис беше извонреден. Го играв секој удар до максимум. Вториот сет беше малку чуден, таа ме надигра играјќи многу длабоко но и со добри излегувања на мрежата. Размислував во паузата меѓу вториот и третиот сет што да сменам и решив да продолжам да играм исто тактички, но да напаѓам уште повеќе. Исто така, одлично ги контролирав нервите и затоа сега сум многу горда на себе“, рече Андреева 11 победи во низа. Таа го освои Дубаи.
Ривалка за титулата во Индијан Велс ќе и биде најдобрата тенисерка на светот, Арина Сабаленка, која со 6:0, 6:2 ја победи шампионката на Австралија опен, Медисон Кис, и се одмазди за поразот во тоа финале.
Спорт
Во Фенербахче нема место за Ливаковиќ
Доминик Ливаковиќ е закован на клупа за резерви кај Фенербахче, а за се е виновна повредата која ја заработи на почетокот на годината. Како што тврдат медиумите хрватскиот репрезентативец ќе го напушти клубот во летниот преоден рок.
Ливаковиќ последен пат бранеше за Фенербахче на 13 јануари, по што се повреди, кратко беше на рехабилитација, но Хрватот го загуби местото меѓу стативите од Ирфан Џан Егрибајат.
Турските медиуми пренесуваат дека искусниот голман добил три понуди, од клубови од Премиер лигата и од Серија А.
Иако има договор со Фенербахче до 2028 година, долгогодишниот хрватски репрезентативец речиси сигурно ќе го напушти клубот на крајот од сезоната.
Тој пристигна од Динамо во 2023 година за околу седум милиони евра, а Фенербахче нема да го пушти за помалку од десет милиони.
Спорт
(Видео) Денвер со тешка мака ги победи десеткуваните Лејкерси
Денвер Нагетс славеа во дербито против ЛА Лејкерс со 131:126. Нагетс се зацврстија на втората позиција во Западната конференција, го добија дуелот со директниот ривал кој на овој натпревар играше без цела една петорка. Изминатата ноќ најдобриот тим во лигата Кливленд Кавалирс ја продолжи победничата серија. 16.победа во низа Кавалирс ја забележаа во Мемфис.
Џамал Мареј со тројка на пет секунди до крајот стави точка на победата на Денвер против Лејкерси во чии редови ги немаше Лука Дончиќ, Леброн Џејмс, Руи Хачимура, Џексон Хејс, Гејб Винсент и Доријан Фини-Смит.
Мареј мечот го заврши со 26 поени, два помалку од најефикасниот играч на Денвер Никола Јокиќ. Србинот мечот го зарши со 28 поени, осум скока и пет асистенции. Најблиску до овие двајца беше Кристијан Браун со 22 поени.
Кај Лејкерси се истакнаа Остин Ривс со 37 поени (13/26 од поле), осум скока и 13 асистенции, односно Далтон Кнект со 32 поени и Шејк Милтон, кој постигна 16 поени.
Кливленд делува незапирливо, а тоа го потврдија со 56. сезонска победа. Овојпат Кавалирс победија на гости кај Мемфис Гризлис 133:124. 22 поени и 11 скока забележа Еван Мобли, додека Гарланд запиша 20 поени и девет асистенции.
На Мемфис не му помогна ниту извонредниот настап на Џа Морант, кој мечот го заврши со 44 поени, осум скока и седум асистенции Но, ја немаше соодветната поддршка од соиграчите.
Резултати:
Мајами – Бостон 91:103
/Вигинс 23 – Тејтум 28/
Филаделфија – Индијана 100:112
/Доутин 24 – Сијакам 27/
Атланта – ЛА Клиперс 98:121
/Оконгву 18 – Харден, Ленард 25/
Сан Антонио – Шарлот 134:145
/Кесл 26 – Бол 27/
Минесота – Орландо 118:111
/Едвардс 28 – Банкеро 43/
Хјустон – Далас 133:96
/Езона 30 – Вилијамс 25/
Јута – Торонто 118:126
/Кларксон 19 – Квикли, Барнс 20/
Феникс – Сакраменто 122:106
/Букер, Дурант 22 – Дерозан 23/
(Фото+видео) Голем украински напад врз Русија – соборени 126 дронови
Руските власти денеска соопштија дека пресретнале 126 украински беспилотни летала во текот на ноќта, главно над нивните јужни региони Волгоград...
(Фото+видео) Пречекани студентите кои пешачеа до Белград, денеска ќе се одржи голем протест – објавена е мапа на движење
Денеска во Белград се одржува голем студентски протест под слоганот „15 за 15“, а собирот е закажан да започне во...
Времето денеска ќе биде сончево и топло, во понеделник пороен дожд и грмежи
Времето денеска ќе биде сончево и топло со мала до умерена облачност, информира Управата за хидрометеоролошки работи. Ќе дува умерен,...
Јахоски оди во притвор, Кривичен ја преиначи првичната одлука
Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција,...
Работниците копале дупка за шахта и нашле коски во дворот на амбулантата во Илинден
Коски биле најдени за време на ископ на дупка за шахта, во дворот од амбулантата во населбата Илинден. „Амбулантата во...
Подготвителната седница за Законот за јазиците ќе се емитува во живо: „Секој граѓанин ќе гледа и слуша како ја водиме постапката“
Претседателот на Уставниот суд, Дарко Костадиновски, на брифинг со новинарите информираше за одржување на претстојната Подготвителна седница за Законот за...
Мицкоски: Предупредив дека народот може да се самоорганизира и да протестира, желен е за правда, не правам упад во судската власт
Најавите за протести премиерот Христијан Мицкоски вели дека се предупредување за незадоволството кај народот доколку сами не се повлечат од...
Бугарија испрати јасна политичка порака дека не се посветени на изградбата на Коридорот 8, вели Николоски, кој алармирал во банките за пренамената на средствата
Министерот за транспорт и врски Аленсандар Николоски утрово алармирал во двете банки со кои земјава има потпишано договори за кредит...
Ќе биде потпишан договор со многу моќна европска земја и ќе се мери во милијарди, рече Мицкоски
Премиерот Христијан Мицкоски, одговарајќи на новинарско прашање, информира дека очекува многу добри вести за македонските граѓани во текот на април...
Tрамп: Покварениот Џо Бајден нѐ доведе во вистински хаос со Русија
Американскиот претседател Доналд Трамп го повика својот претходник, Џо Бајден, во објава на социјалните мрежи. „Покварениот Џо Бајден нè внесе...
СДСМ: Министерката Јаневска скучила договор со „Пуцко петрол“ од 40 илјади евра
Продолжуваат партиските преписки за тоа кој, каков договор склучил со „Пуцко Петрол“, чијшто сопственик, Асмир Јахоски, е осомничен во случајот...
(Фото) Украинците оставија многу моќно оружје во Курск, Русите објавија фотографии
Кон крајот на минатиот месец, на 25 февруари, елитната руска група за беспилотни летала – Центарот за напредни беспилотни системи...
(Видео) Стојаноски: Благодарение на СДС и ДУИ, „Пуцко петрол“ успевал за една година да го зголеми приходот 40 проценти
„Откако пред некој ден син на пратеник од ДУИ, сопственик на Пуцко петрол како мерка доби домашен притвор за случај...
Левицата предложи 18 месеци платено породилно отсуство: Овој закон ќе ја подобри положбата на мајките и семејството и ќе создаде темели за решавање на најголемите демографски проблеми
„Во време кога Македонија се соочува со сериозна демографска криза, Левица предложи нов закон за 18 месеци платено породилно отсуство,...
ДУИ: Секој обид за оспорување на Законот за употреба на јазиците е обид за оспорување на Охридскиот договор и уставниот поредок на Северна Македонија
„Денес ја одбележуваме четвртата годишнина од потпишувањето на Законот за употреба на јазиците – моментот кога беше заокружен легислативниот дел...
„Судскиот совет не е приватен дуќан на кадрите на Заев и Груби – разрешените членови мора да заминат“, велат од ВМРО-ДПМНЕ
„ВМРО-ДПМНЕ најостро реагира на обидите на разрешените членови на Судскиот совет да ја узурпираат институцијата, спротивно на волјата на Собранието...
„Имаме најскапи патарини во регионот, а ужасни патишта: пратениците да гласаат за нашиот предлог за 50 отсто поевтини патарини“, бара партијата Левица
„На 19 март, во Собранието ќе се гласа за предлог-законот на пратеничката група на Левица, кој предвидува намалување на патарините...
СДСМ: Милиони во омилени фирми на власта, до кога ќе молчи Јавното обвинителство за тендерските шеми на ДПМНЕ?
СДСМ јавно прашува: До кога Јавното обвинителство ќе молчи за тендерските шеми и скандали на ДПМНЕ? „Случаите со милионските зделки...
Венс: Би бил шокиран доколку Трамп сака да го премести нуклеарното оружје подалеку на исток во Европа
Потпретседателот на САД, Џеј Ди Венс рече дека би бил шокиран доколку претседателот Доналд Трамп сака нуклеарното оружје да го...
„Огромен интерес и внимание за македонската делегација на глобалниот самит во Баку“: Сиљановска и Божиновска во центарот на глобалните дискусии
Огромен интерес за македонската делегација на XII Global Baku Forum – присуството на македонската делегација, официјалните и неформалните средби на...
