Спорт
(Видео) Јокиќ го забележа 23. трипл-дабл во сезоната па проговори за Лука Дончиќ

Кошаркарите на Денвер Нагетс на домашен терен славеа победа над Њу Орлеанс Пеликанс 125:112. Никола Јокиќ и Мајкл Портер Јуниор го предводеа тимот до 31.победа во 51. натпревар во сезоната.
Денвер ја запиша третата победа во низа, а Јокиќ го забележа 23. трипл-дабл во сезоната. Натпреварот го заврши со 27 поени (9/13 од поле, 10/11 слободни фрлања), 14 скока и 10 асистенции за 36 минути на теренот.
Вкупно, Јокиќ има 152 трипл-дабл во регуларниот дел од сезоната, 170 вклучувајќи го и плеј-офот. Ова беше деветти трипл-дабл за Јокиќ во претходните 11 натпревари.
За разлика од некои претходни дуели, Јокиќ имаше добра поддршка од соиграчите на мечот против гостите од Луизијана. Мајкл Портер Јуниор постигна 36 поени (7/12 за три), што е негов рекорд во сезоната. Интересно, тренерот Мелоун по натпреварот зборуваше за гласините дека Портер може да го напушти Денвер и остро ги демантираше таквите шпекулации.
Џамал Мареј додаде 20 поени (7/17 од поле), заедно со 8 асистенции, а Џулијан Стротер придонесе со 15 поени.
Треј Марфи, на спротивната страна го одигра најдобриот меч во кариерата, постигна 41 поен, 21 кош постигна во првата четвртина. Брилијантно го следеше Си Џеј Меколум (10/22 од поле) со 30 поени, а Зион Вилијамсон имаше 14 поени.
Јокиќ очекувано на прес-конференција беше запрашан да го коментира шокантниот трејд со кој Лука Дончиќ го напушти Далас. Јокиќ и Дончиќ се добри пријатели…
„Му испратив порака. Тоа, се разбира, никој не го очекуваше. Мислам дека во моментов тој само треба да биде со своето семејство. Тоа е голема промена. Ова е дел од работата, не знам. Никој не го очекуваше тоа, особено не тој. Мислам дека никој не е безбеден во оваа лига, така изгледа. Но, мислам дека тој ќе заврши добра работа бидејќи е играч за големата сцена, иако мислев дека има нешто посебно во Далас. Изгледа дека така морало да биде“, изјави Никола Јокиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Баерн во 94.минута се спаси против Слетик, Бриж ја изненади Аталанта, Бенфика го преживеа Монако

Клуб Бриж, Баерн Минхен и Бенфика се пласираа во осминафиналето во Лигата на шампионите.
По Милан, италијанскиот фудбал остана без уште еден тим во елитното натпреварување. Актуелниот освојувач на Лига Европа, Аталанта, не успеа да ја оправда фаворитдката улога против Бриж.
Шампионите на Белгија, вечерва во Бергамо победија со 3:1.
Аталанта промаши буквално се на овој натпревар, а Бриж максимално ги користиеше своите шанси. Тинејџерот Талби постигна два гола во третата и 27.минута, а Џутла зголеми на 0:3 во финишот на првиот дел . Лукнан погоди веднаш на стартото на второто полувреме, а сите надежи на Аталната дека може да се врати во натпреварот пропаднаа во 38.минута кога Мињоле му одбрани пенал на Лукман.
Баерн, во Минхен се мачеше против Слетик. Гостите од Глазгов имаа две добри шанси во првиот дел, но резултатот на семафорот не се смени се до 63.минута, кога Кун ја искористи грешката на Кин.
Баварците избегнаа продолженија, буквално во последните секунди, со среќниот гол на Дејвис.
Во Лисабон, Бенфика водеше, па два пати губеше од Монако, а во 81.минута Кокчу ги постави конечните 3:3.
Спорт
(Видео) Феенорд го елиминира Милан од Лигата на шампионите

Фудбалерите на Феенорд успеаја да се пласираат во осминафиналето на Лигата на шампионите, откако ремизираа на „Сан Сиро“ против Милан во реваншот 1.1..
Славниот италијански клуб, седумкратен европски првак, бркаше гол негатива од првиот натпревар во Ротердам кога Феенорд победи со 1:0 со голот на Бразилецот Игор Паишао во третата минута.
„Росонерите“ имаа уште подобар старт во реваншот. Мечот практично не ни започна, а Милан поведе со голот на поранешниот најдобар стрелец на Феенорд, Мексиканецот Сантијаго Хименез. Во 36.секунда Хименез постигна гол.
Во 23. минута можеше да биде 2:0, кога голманот на гостите Тимон Веленрајтер го одбрани ударот на Жоао Феликс, а потоа Тео Ернандез ја погоди стативата.
Во финишот на првото полувреме одлична шанса имаше и Рафаел Леао, но домашните на одмор заминаа со гол предност.
И второто полувреме започна со иницијатива и шанси на играчите на Милан, а потоа Тео Ернандез капутенот на Милан му направи штета на својот тим. Се обиде да избори пенал, доби втор жолт, автоматски црвен картон и ги остави соиграчите на цедило до крајот на натпреварот.
Од тој момент играчите на Феенорд ја презедоа инцијативата, која вроди со плод во 73.минута кога резервниот напаѓач Карабца, постигна убав гол по центрашутот на Буено.
Феенорд во осминафиналето ќе игра против Интер или Арсенал.
Спорт
Ѓоковиќ надвор од ритам во Доха, Беретини веднаш го елиминира

Најдобриот тенисер на сите времиња Новак Ѓоковиќ е елиминиран на стартот од турнирот во Доха.
Ѓоковиќ успеа да се опорави од повредата на бутниот мускул поради која се предаде на полуфиналниот меч на Австралија опен, но во Катар беше далеку под вообичаеното ниво.
Тоа го искористи Италијанецот Матео Беретини кој победи со 2:0, во сетови 7:6 (4), 6:2.
Натпреварот траеше час и 35 минути игра.
Противник на поранешниот финалист на Вимблдон во следната рунда ќе биде Холанѓанецот Талон Грикспор.