Денвер Нагетс на домашен терен ги совладаа Лос Анџелес Клиперс со 120:98 во натпревар од НБА лигата.

Денвер ги декласира Клиперси и покрај тоа што Никола Јокиќ одигра под своите стандардни. Актуелниот МВП натпреварот го заврши со 16 поени (6/9 од поле). , седум скока и две асистенции. Центарот на франшизата од Колорадо на претходните два натпревари постигна 56 и 48 поени.

Јокиќ со оглед ан убедливата предност која ја имаше Денвер не играше во последната четвртина, вкупно на теренот мина 30 минути.

Најефикасен во тимот на Денвер беше Џамал Мареј со 20 поени, а Мајкл Портер Јуниор имаше учинок од 17 поени со пет скока и четири асистенции.

Најдобри играчи за Лос Анџелес Клиперс беа Норман Пауел и Кевин Портер кои постигнаа по 16 поени. Џејмс Харден имаше 15 поени, но и девет загубени топки.

Денвер е шести во Западната конференција со скор 13-10, додека тимот од Калифорнија е две позиции подолу со скор 14-12.

НБА, резултати:

Кливленд – Вашингтон 115:105
Филаделфија – Индијана 107: 121
Чикаго – Шарлот 109:95
Мемфис – Бруклин 135:119
Минесота – ЛА Лејкерс 97:87
Денвер – ЛА Клиперс 120:98
Јута – Феникс 126:134
Портланд – Сан Антонио 116:118

Фудбалерот на Фиорентина, Едоардо Бове по 12 дена ја напушти болницата, соопшти клубот.

Младиот фудбалер колабираше на теренот за време на дербито со Интер на 1 декември, а пред неколку дена му беше вграден дефибрилатор.

Кариерата на Бове во Италија е завршена. Прописите во Серија А се строги, не може да игра фудбале со дефибрилатор, но може да игра надвор од италијанскиот полуостров.

Кристијан Ериксен мораше да го напушти Интер откако доживеа срцев удар, но доби шанса да игра во англиската Премиер лига со дефибрилатор, сличен е случајот и со Дејли Блинд кој игра во Шпанија.

Бове има 22 години и од летото настапува за Фиорентина како позајмен играч од Рома.

Фудбалската репрезентација на Македонија вчера ги дозна противниците во квалификациите за пласман на СП во 2026 година. Македонија ќе се обиде да стигне до Мундијалот преку Белгија, Велс, Казахстан и Лихтенштајн.

Квалификацискиот циклус Македонија ќе го отвори на 22.март наредната година со гостувањето во Лихтенштајн. Три дена подоцна во Скопје ќе гостува селекцијата на Велс.

На 6.јуни, фаворитот во групата, Белгија ќе гостува во Скопје, а три дена подоцна македонската селекција ја чека долг пат до Казахстан.

Во септември Македонија ќе го пречека Лихтенштајн, а во октомври на 10. и 13., националниот тим ќе гостува во Белгија и ќе го пречека Казахстан.

Квалификациите, Македонија ќе ги заврши на 18.ноември во Велс.