Спорт
(Видео) НБА-куп: Оклахома го елиминира Далас, Милвоки го победи Орландо

Милвоки и Оклахома се првите две екипи кои обезбедија учество во полуфиналето на НБА Купот, чие финале се одржува во Лас Вегас. Бакс го совлада Орландо со 114:109, додека Тандер беа подобри од Далас со 118:104.
Дуелот меѓу Оклахома и Далас беше практично решен во третата четвртина. На полувремето Оклахома имаше плус три, а потоа ја доби третата четвртина со 33:19 и преднпст од 17 поени влезе во решавачкиот период. Мавс до крајот успеаја само малку да ја намалат разликата.
Клучот за триумфот на Тандер лежи во тоа што ги сопреа Лука Дончиќ и Кајри Ирвинг, главните ѕвезди на тимот од Тексас. Лука забележа 16 поени и 11 скока, додека Ирвинг имаше 17 поени. Поефикасни од двајцата беа Маршал со 19 и Томпсон со 18 поени.
На другата страна блескаше Шеј Гилџис-Александер со 39 поени и осум скока. Го следеше Џејлен Вилијамс со 18 поени.
Многу понеизвесен беше дуелот меѓу Милвоки и Орландо. Бакс во самиот финиш го скршија отпорот на Меџик. Адетокунбо постигна 37 поени и седум скока, а Лилард забележа 28 и девет асистенции.
За тимот од Флорида, Сугс броеше до 32. Треба да се каже дека Орландо беше без најдобрите играчи Франк Вагнер и Паоло Банкеро.
Ноќта меѓу среда и четврток ќе се одиграат преостанатите две четвртфиналиња од НБА купот во кои ќе се сретнат Атланта – Њујорк и Хјустон – Голден Стејт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Меси одби да игра во Лигата на шампионите поради -15

Интер Мајами би можел да биде без Лионел Меси во првиот натпревар од осминафиналето на КОНКАКАФ Лигата на шампионите.
Фудбалерите на Интер Мајами во првиот натпревар ќе играат на гости кај Канзас Сити.
Како што пренесуваат американските медиуми, големи се шансите Меси да не игра на тој меч, а причината е што температурата во тој град ќе биде -15 Целзиусови степени, а наводно се чувствува како да е -25.
Затоа Меси не сака да биде на теренот, но има минимални шанси да се предомисли.
Исто така, како што објави новинарот кој го води подкастот на Интер Мајами, според негови извори, клубот бара одложување на натпреварот.
Спорт
(Видео) Нејмар стрелец по пауза од 502 дена

Нејмар пред еден месец се врати во Сантос, а во четвртиот меч за клубот во кој ја започна кариерата го постигна првиот гол. Нејмар постигна гол од пенал. Бразилецот погоди по пауза од 502 дена.
Поранешниот играч на Барселона, ПСЖ и Ал Хилал , со гол и асистенција го предводеше Сантос до победата над Агуа Санта (3:1).
Amazing run from Neymar to win a penalty 🥶
He then of course converts the penalty 🇧🇷pic.twitter.com/fiDQhAjppN
— Brasil Football 🇧🇷 (@BrasilEdition) February 17, 2025
Спорт
Аморим му порачал на Кристијан Ериксен да си бара нов клуб

Рубен Аморим ќе мора комплетно да го реорганизира тимот во летниот преоден рок. Во планотвите на португалските тренер нема место за Кристијан Ериксен.
Данскиот играч за врска веќе некое време не добива вистинска шанса на натпреварите на Јунајтед, а сега е јасно зошто.
Аморим им порачал на клупските челници дека повеќе не смета на Ериксен и дека Данецот може слободно да бара нов клуб. Неговиот договор истекува на крајот од сезоната и нема да биде продолжен.
Ериксен дојде на „Олд Трафорд“ во 2022 година по одличната сезона во Брентфорд. Данецот претходно беше одличен во Тотенхем, имаше одлична кариера, но по несреќниот случај на Европското првенство во 2021 година кога Ериксен мораше да биде реанимиран, мораше да паузира неколку месеци.
Ериксен поради правилата во Серија А, мораше да го раскине договорот со Интер, ја прифати понудата од Брентфорд каде ја потврди класата.
Ериксен отсега ќе може да бара нов клуб, а од Јунајтед ќе си замине без обештетување. Во својата кариера настапуваше за Ајакс, Тотенхем, Интер, Брентфорд и Манчестер јунајтед.