Фудбалерите на Бразил и Мароко одиграа 1:1, на „Метлајф“ стадионот во Њу Џерси. На 21-во Светско првенство по ред, Бразил остана непоразен во првиот натпревар од (17 победи и, вклучувајќи го и овој четири нерешени резултати).

Навивачите на стадионот и милионскиот аудиториум, видоа одлично прво полувреме, во кое Мароко доминираше и помалку здодевно второ полувреме. Јасно е дека Карло Анчелоти, селекторот на Бразил, ќе мора да одговора на тешки прашања пред домашните новинари.

Стартот на натпреварот му припадна на Мароко. Мароканците беа подобар ривал во секој можен поглед. Бразил направи серија грешки, загуби многу топки, а Мароканците се обидоа од сите страни.

Стоеја високо, константно ја притискаа последната линија на ривалот. Таквиот пристап им донесе резултата во 21-та минута.

Додавање од Брахим Дијаз, чија топка ја распара одбраната на Бразил, Габриел доцнеше, поради што Саибари излезе сам пред Алисон и потоа ја префрли топката преку бразилскиот голман.

Шансите на Монако продолжија и по голот, но на крајот Бразил, од ништо, благодарение на индивидуалниот квалитет, дојде до израмнување.

Сè направи Винисиус во 32-та минута, Бруно Гимараес успеа да му ја врати топката по двојно додавање во шеснаесетникот, а Винисиус од првиот удар кон голот на Бразил му донесе израмнување на својот тим.

Бразил се разбуди по овој гол, па тимот на Карло Анчелоти успеа да се закани неколку пати до крајот на првото полувреме, но и да го отвори второто многу подобро.

Бразил ги смири своите ривали, ја презеде контролата врз топката, но трите удари што ги упатија кон голот на Мароко, беа лесен плен за Боно. Н

Мароко се разбуди од 75-та минута и успеа да направи неколку солидни напади, но тоа не беше доволно за да го загрози Алисон и да постигне уште еден гол. Немаше конкретни напади од страна на Бразил, темпото исто така се намали во споредба со првото полувреме.

Многу помалку трчање и пресинг, многу повеќе позициска игра на двете страни, како да беа задоволни со нерешениот резултат. д

Последната шанса ја имаа Мароканците, во 99-та минута. Алисон го запре ударот на Ел Алајуни, потоа се фрли како мачка пред нозете на Амајуни и спаси бод за Бразил.

Вториот натпревар во оваа група ќе го играат Хаити и Шкотска. Во второто коло, Бразил ќе игра против Хаити (20 јуни), а Мароко ќе игра против Шкотска (20 јуни).

Катар и Швајцарија одиграа 1:1, во вториот натпревар од Б групата на Светското првенство. Со ист резулта, вчера заврши дуелот меѓу канда и Босна и Херцеговина. Швајцарците во 95-та минута ги шокираше голот на Куки.

Швајцарија, како апсолутен фаворит, разочара со пристапот, пропушташе шанси, а за индолентноста избраниците на селекторот Мурат Јакин беа казнети во претпоследната минута.

Малкумина очекуваа дека, против апсолутниот фаворит, Катар прв ќе се закани, и тоа во втората минута, благодарение на големата грешка на Мануел Аканџи.

Едмилсон Жуниор, од никаде, излезе сосема сам пред Грегор Кобел, кој одлично интервенираше и спречи вистински шок за својот тим уште на самиот почеток.

Од тој момент, европската селекција почна жестоко да напаѓа, а Ден Ендоје промаши три пати пред да биде постигнат водечкиот гол.

Се играше 17-та минута кога Брил Емболо со глава ја испрати топката до Фројлер, кој беше соборен од голманот Абунада, но се чинеше дека е во офсајд.

Сепак, немаше реакција од ВАР собата, беше оценето дека сè е чисто и беше досуден пенал, кој Емболо рутински го реализираше за 1:0.

Не застанаа тука Швајцарците, сакаа да постигнат и втор гол што е можно поскоро, но Абунада на голот на Катар, со неколку извонредни интервенции не дозволи да биде совладан.

Можеше да има пенал на другата страна, Едмилсон Жуниор повторно имаше добра шанса, но повторно беше спречен од Кобел.

Во продолжението, Швајцарија излезе на теренот решена што побрзо да го реши натпреварот, но Катар ги преживеа шансите на Варгас и ударот на Џака.

Времето минуваше, и покрај очигледната квалитативна разлика, на семафорот стоеше 1:0. Тука се вовлече нервоза во играта на Швајцарија.

Иако сакаа, не успеаја да го постигнат вториот гол бидејќи избраниците на Хулен Лопетеги се бранеа навистина добро и организирано.

Дури и Катарците можеа да се заканат во неколку наврати, а најконкретниот удар насочен кон голот на Кобел го упати Алеардин од околу 15 метри, но швајцарскиот голман успеа да одбрани.

Сепак, Катар успеа да ги казни сите нереализирани шанси на Швајцарците. Ал Амин центаршутираше, а Куки со глава ја испрати топката во мрежата за 1:1 и првото големо изненадување на тековното Светско првенство.

Foto/ EPA

Кошаркарите на Олимпијакос ја одбранија титулата во Грција, со победа над Панатинаикос 89:85 во петтиот натпревар од финалната серија.

Сепак, грчката јавност е преокупирана со она што се случи по натпреварот. Хаосот што настана е многу дури и според лудите стандарди на грчката кошарка.

Тирик Џонс го чекаше Кендрик Нан адвор од тунелот што води кон соблекувалната, му се приближи и го удри со тупаница:

Играчите на Панатинаикос се обидоа да дојдат до Џонс, но припадници на Специјалната полициска единица (МАТ) застанаа пред него за да го заштитат. Потоа настана целосен хаос, бидејќи имаше физичка пресметка меѓу кошаркарите на Панатинаикос и полицијата.

„Се чини дека за Полициската управа на Пиреја, приоритет беше да се обезбеди и отстрани Џонс од местото на инцидентот, а она што следеше е тешко да се опише со зборови“, пренесе грчкиот портал „СДНА“.

😳😳😱😱 Kendrick Nunn ile Tyrique Jones arasında çıkan kavga.pic.twitter.com/hyfYpLCGC8

— Hızlı Hücum (@hizlihucum) June 13, 2026

🚨 Tangana final entre Olympiacos y Panathinaikos

😱 Según denunció Ataman, Tyrique Jones se metió en el vestuario del Panathinaikos y le dio un puñetazo a Kendrick Nunn pic.twitter.com/kvDtyPkouF

— Eurohoops España (@EurohoopsES) June 13, 2026

Инаку, тензиите меѓу Џонс и Нан започнаа во третата четвртина. На 3:17 до крајот на периодот, Нан направи фаул врз Везенков, а Џон потоа го фати за врат играчот на панатинаикос.

Судиите реагураа, му доделија техничка на Нан, за кого тоа петти фаул, а Џонс беше исклучен бидејќи доби техничка и неспортска лична грешка.

Tempers are flaring overseas 😳

Tyrique Jones tried to choke Kendrick Nunn on the court, then later went into the locker room and punched him, causing an injury 😳

(Via @Eurohoopsnet ) pic.twitter.com/VQdWXl3BF1

— NBACentral (@TheDunkCentral) June 13, 2026