Спорт
(Видео) Севилја се спаси, Џирона и Мајорка пред преселба во понизок ранг
Со исклучок на натпреварот меѓу Барселона и Бетис, сите натпревари од претпоследното коло на шпанската Ла Лига се одиграа во терминот од 19 часот. Големи возбудувања имаше до самиот крај.
Покрај Овиедо, кој беше отпишан одамна, сега пред испаѓање се Мајорка и Џирона, кои со поразите во ова коло останаа под цртата, додека спасот сега е посигурен за Елче и Леванте.
Елче победи со 1:0 против Хетафе и направи огромен чекор за да обезбеди барем уште една сезона во друштво на најдобрите. Во последното коло во директна пресметка за опстанок ќе играат Џирона и Елче.
Можеби најважниот натпревар за опстанок се одигра во Валенсија помеѓу директните ривали за испаѓање Леванте и Мајорка, кој заврши со триумф на Леванте од 2:0.
Потенцијално најважната победа во сезоната им ја донесоа на домашните Еспи и Ариага.
Мајорка загуби и е на пат кон испаѓање иако го имаа вториот најдобар стрелец во лигата оваа сезона, Ведат Муриќи (досега постигна 22 гола – два помалку од Мбапе).
Џирона, тимот што играше во Лигата на шампионите во сезоната 2024/2025, лесно може да испадне од елитата.
Тимот од Каталонија, доживеа минимален пораз во Мадрид од Атлетико. Единствениот гол го постигна Лукман во 21-та минута.
Конечно, сите погледи на фудбалските фанови беа насочени кон Севилја, каде што истоимениот домашен тим, кој пред ова коло беше во опасност да падне во зоната на испаѓање, сепак го задржа своето место во друштвото на најдобрите дури и пред последните 90 минути, и покрај поразот.
Тимот на Матијас Алмеида беше поразен од Реал на домашен терен (0:1) со гол на Винисиус, но благодарение на поволните резултати од другите терени, тие останаа „над линијата“.
Севиља сега е на 13-та позиција, три бода над првиот тим во зоната за испаѓање, Џирона, и математички ја обезбеди Ла Лига и за следната сезона.
foto/ epa
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Голчиште на Мбапе, Франција го победи Сенегал
Франција го победи Сенегал со 3:1 (0:0) во првиот натпревар, одигран во И групата на Светското првенство. На „МетЛајф“ стадионот, во Њу Џерси, Французите го преспаа првото полувреме, во второто го демонстрираа квалитетот и славеа со головите на Килијан Мбапе (два) и Бредли Баркола. Ибраихм Мбај во 95-та минута го постигна голот за Сенегал.
Франција се дозволи да не се „појави“ на теренот во првиот дел, а сепак рутински да слави против една од најсилните африкански селекции.
Само еден обид имаа Французите во првиот дел, а Сенегал пропушти две одлични шанси за гол. Николас Џексон ја погоди стативата, а на истекот на полувремето, Ислаила Сар од добра позиција ја испрати топката над голот.
И покрај тоа што неговите избраници не одиграа ништо во првиот дел, Дидие Дешан, не се реши да прави измени, направи само една тактичка промена, им ги смени позициите на Мајкл Олисе и Усман Дембеле.
Кога играчот на Баерн започна да ја организира играта, се раздвижија и неговите соиграчи.
Олисе и Мбапе не реализираа во ситуација „еден на еден“ со Менди, потоа Франција не доби пенал по дуелот на Мане и Мбапе.
Конечно иницијативата на „триколорите“ вроди со плод во 66-та минута, Олисе ја распара одбраната на Сенегал со топка во простор, а Мбапе без проблем го совлада Менди.
Вториот гол го постигна Баркола, само неколку минути по влегувањето во игра. Целата работа ја заврши Рабио, претрча 40 метри, потоа му асистираше на Баркола, кој мајсторски го префрли Менди.
Кога се очекуваше крај на мечот, играчот на ПСЖ, Мбај, го матираше Мањан, кој лошо реагираше на овој удар, а само 30 секунди подоцна, Мбапе потигна голчиште од 25 метри за конечни 3:1
Foto/ EPA
Спорт
Бернардо Силва потпиша за Реал
Бернардо Силва, како слободен играч го засили Реал Мадрид.
Искусниот португалски репрезентативец, кој беше еден од клучните играчи на Манчестер Сити во претходните години, се согласи на две годишна соработка, со можност договорот да биде продолжен за уште една година.
Силва со тоа стана третото големо засилување на Реал ова лето, откако претходно беа ангажирани Дензел Дамфрис и Марк Кукуреља. Клубот, сепак, не планира да застане, бидејќи се очекува наскоро да се финализира доаѓањето на францускиот дефанзивец Ибрахима Конате.
Да ве потсетиме, покрај доаѓањето на нови играчи, клубот го обезбеди и останувањето на еден од дефанзивците, бидејќи Антонио Ридигер го продолжи договорот.
Foto/ Depositphotos
Спорт
Вардар против КУПС во Лигата на шампионите
Македонскиот шампион Вардар го доби противникот во првото коло во Лигата на шампионите. Црвено-црните пласман во втората рунда ќе бркаат преку финскиот првак КУПС.
Во таборот на македонскиот првак можат да бидат задоволни од ждрепката, прблем може да биде само формата, бидејќи во Финска сезоната е во пол ек.
Првите натпревари од првото коло од квалификациите ќе се играат на 7 и 8 јули, додека реваншите се закажани за 14 и 15 јули. Точните датуми ќе бидат одредени подоцна од УЕФА.
Парови од првото коло од квалификациите за Лигата на шампионите:
Сабах (Азербејџан) – Њу Сеинтс (Велс)
Флора (Естонија) – Иберија (Грузија)
Линколн (Гибралтар) – Интер Ескаладес (Андора)
Флоријана (Малта) – Шамрок Роверс (Република Ирска)
Тре Фјори (Сан Марино) – Ларне (Северна Ирска)
Арарат-Ерменија (Ерменија) – Рига (Латвија)
Вардар (Северна Македонија) – КуПС (Финска)
Кауно Жалгирис (Литванија) – Дрита (т.н. Косово)
Витебск (Белорусија) – Универзитет во Крајова (Романија)
Петрокуб (Молдавија) - Егнација (Албанија)
Борац (БиХ) – Левски (Бугарија)
Викингур (Исланд) – Ѓер (Унгарија)
Каират (Казахстан) – Сутјеска (Црна Гора)
Клаксвик (Фарски Острови) – Атерт Бисен (Луксембург)
Победниците од двата натпревари ќе се квалификуваат во втората рунда од квалификациите за елитното европско натпреварување, додека поразените ќе ја продолжат европската сезона во квалификациите за Конференциската лига на УЕФА.
Foto/ ffm.mk
Променливо облачно и топло, попладне пороен дожд, грмежи и засилен ветер
Променливо облачно и топло со сончеви периоди. Во попладневните часови ќе има локална нестабилност со пороен дожд, грмежи и засилен...
(Видео) Голчиште на Мбапе, Франција го победи Сенегал
Франција го победи Сенегал со 3:1 (0:0) во првиот натпревар, одигран во И групата на Светското првенство. На „МетЛајф“ стадионот,...
Трамп тврди дека може да се оди пеш од Иран до Катар
Претседателот на САД, Доналд Трамп, ја повтори својата географска грешка за време на разговорите на самитот на Г7 во Франција,...
Бернардо Силва потпиша за Реал
Бернардо Силва, како слободен играч го засили Реал Мадрид. Искусниот португалски репрезентативец, кој беше еден од клучните играчи на Манчестер...
Витаминот Ц е важен и за здравјето на мозокот: Ново истражување открива изненадувачка врска
Витаминот Ц не само што придонесува за зајакнување на имунитетот, туку може да игра важна улога и во одржувањето на...
Италија распоредува систем за воздушна одбрана на НАТО во Турција
Италија ќе распореди систем за воздушна одбрана во централна Турција како дел од одбранбениот план на НАТО, објави турското Министерство...
Заврши реконструкцијата на една од главните сообраќајници во Кочани
Завршена е целосната реконструкција на улицата „Бел Камен“, една од главните сообраќајници во Кочани, со што значително се подобрува безбедноста...
Турција испрати јасна порака до Москва и Киев: Запрете ги нападите во Црното Море, подготвени сме за преговори
Турскиот министер за надворешни работи, Хакан Фидан, му пренесе на рускиот министер за надворешни работи, Сергеј Лавров, предупредување за важноста...
Скопјанецот кој запали дипломатски возила, со автобус стигнал до Центар, а бензинот го купил од бензинска во близина на бугарската амбасада
Обвинителството предложи притвор за 44-годишниот скопјанец кој запали дипломатски возила пред амбасадата на Бугарија во Скопје. Против него е поведена...