Спорт
(Видео) Сити испушти предност од два гола, Челси во 95.минута се спаси од пораз против Борнмут

Манчестер сити испушти предност од два гола кај Брентфорд, Челси во 05.минута се спаси од пораз против Борнмут, а Вест Хем во малото лондонско дерби го победи Фулам со 3:2.
Манчестер сити беа блиску до трет последователен триумф, благодарение на головите на Фил Фоден во 66. и 78. минута, но „пчелите“ успеаја да дојдат до бод во судиското надополнување.
Домашниот тим намали во 82. минута преку Жоан Виса, а потоа Кристијан Норгард со глава го матираше Стефан Ортега во втората минута од судиското надополнување.
Избраниците на Пеп Гвардиола уште еднаш беа казнети за своите недостатоци и сега се седми на табелата со 35 бодови.
Челзи успеа да дојде до бод против Бурнмут во судиското надополнување со голот на капитенот Рис Џејмс.
По голот на Кол Палмер во 13. минута се чинеше дека „Сините“ лесно ќе го решат Бурнмут, но она што следуваше беше вистински хаос.
Најпрвин израмни Џастин Клајвер од пенал во 50. минута, а Антоан Семењо со „проектил“ во 68. минута направи пресврт за гостите.
Бурнемут беше блиску до изненадување, но Рис Џејмс го спаси Челзи од пораз во петтата минута од судиското надополнување од слободен удар.
Челзи е четврти на табелата со 37 бодови, додека Борнмаут е седми со 34 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Боависта во еден ден донесе девет нови играчи

Португалскиот клуб Боависта синоќа направи необичен потег и истовремено ангажираше девет нови играчи.
Најпознато име меѓу нив е Лавин Курзава, поранешен играч на Пари Сен Жермен и Монако и човек кој 14 пати го носеше дресот на француската репрезентација.
Покрај него, клубот од Порто објави дека нови играчи се: голманот Томаш Вацлик, Марко ван Гинкел, Муса Коне, Осман Какај, Витали Листов, Сидоин Фонинг, Стивен Виторија и Гбоје Ариџиби.
По 21 одиграно коло во португалскиот шампионат, Боависта се наоѓа на последното место на табелата со 12 бодови, шест помалку од безбедната зона.
Спорт
Затворски казни за уценувачите на семејството Шумахер
Судот во Вупертал, Германија, осуди тројца мажи на затворски казни поради обид за уцена на семејството на легендарниот седумкратен светски шампион во Формула 1, Михаел Шумахер.
Дојче веле пренесува дека 53-годишниот Јилмаз Т. добил тригодишна затворска казна поради закана дека ќе ги објави приватните податоци на славниот Германец и неговото семејство на „dark web“ доколку семејството на Шумахер не им плати на уценувачите 15 милиони евра, додека неговиот 30-годишен син Даниел Л. ќе помине шест месеци зад решетки поради соучесништво.
Ова вклучува 900 фотографии, 583 видеа и сите податоци за здравствената состојба на Шумахер.
Поранешниот член на обезбедувањето на семејството Шумахер, Маркус Ф., е осуден на две години затвор затоа што продавал фотографии на уценувачи за наводна петцифрена сума пари.
Таткото, кој работел како обезбедување во ноќен клуб во Констанц, германски град на границата со Швајцарија, изразил каење по почетокот на судењето.
Познато е дека 56-годишниот Шумахер се здобил со сериозна повреда на мозокот по пад на скијање на француските Алпи во 2013 година.
Неговата здравствена состојба оттогаш не и е позната на пошироката јавност, бидејќи членовите на неговото семејство вешто кријат информацијата од медиумите, иако се шпекулираше дека се појавил на свадбата на неговата ќерка.
Спорт
(Видео) Арне Слот доби црвен за „пресилно ракување“

Спектакуларен крај, синоќа имаше последното градско дерби на кулниот англиски стадион „Гудисон парк“. Евертон со голот на капитенот Тарковски во 98.минута успеа да освои бод против лидерот Ливерпул.
Откако судијата Мајкл Оливер означи крај на натпреварот се случи инцидент меѓу Џонс и Дукуре.
Играчот на Евертон бодот го славеше пред трибината на која беа навивачите на Ливерпул што не му се допадна на Џонс. Соиграчите и редарите спречија инцидентот да прерасне во тепачка.
Оливер реагираше, им покажа црвени картони.
Тука не беше крајот на картонијадата по завршувањето на натпреварот. Црвен картон доби и Арне Слот.
Менаџерот на Ливерпул му пријде на судијата Мајкл Оливер, се ракуваше со него, а кога тој му ја пушти раката, судијата веднаш од задниот џеб го извади црвениот картон.
Англиските медиуми се шегуваат дека Слот употребил „пресилно ракување“ и поради тоа бил исклучен.
Сепак, поверојатно е дека се работи за тоа што Холанѓанецот му го кажал на судијата. Англичаните тврдат дека Слот му рекол на Оливер „дека е играч на натпреварот“ и дека наградата треба да оди кај него.
@tntsports The moment Arne Slot was shown a red card by Michael Oliver 👀🟥 #LFC #EFC #PremierLeague #Football