Шон Дајч за прв пат проговори откако доби отказ во Евертон. Соопштението во негово име го објави Здружението на менаџери од Премиер лигата, како што е вообичаено во Англија.

„Беше чест да се раководи со Евертон, клуб со голема традиција и огромна база на навивачи во Ливерпул и ширум светот, иако ова е еден од најтешките периоди во историјата на клубот.

И покрај сите предизвици со кои се соочивме, сакав да се уверам дека клубот оди во вистинска насока и дека во иднина тимот ќе може да се фокусира на натпреварите во Премиер лигата.

Би сакал да му се заблагодарам на мојот тренерски штаб и на сите што го завршија својот дел од работата бидејќи ништо не би било возможно без нивната поддршка и знаење. Сакам да им се заблагодарам и на навивачите кои секогаш беа тука кога ни беше најпотребна поддршка“, се вели во изјавата на Дајч.

„Дојде вистинското време да го напуштам клубот, тимот е во добра форма. Дејвид (Мојс, уред.) е менаџер кој заслужува голема почит и верувам дека тој и неговиот персонал ќе го туркаат клубот напред на стабилните темели што ги изградивме во изминатите две години.

На сите им посакувам многу среќа, вклучувајќи ги и сопствениците кои верувам дека ќе го однесат клубот на следното ниво и ќе го донесат успехот што сите во Евертон го посакуваат. Мојот дел во улогата на чувар на традицијата е завршен и засекогаш ќе бидам многу горд на тоа“.

Дејвид Мојс го наследи Дајч на клупата, а во англиските медиуми веќе се шпекулира дека Дајч би можел да го преземе Вест Бромвич Албион.

Норвешкиот тенисер Каспер Руд е елиминиран во второто коло на Австралија опен. Руд во четири сета загуби од Јакуб Меншик.

Чехот, кој се наоѓа на 48. место во светот, беше подобар од шестопласираниот на АТП листата со 6:2, 3:6, 6:1, 6:4.

Во третото коло Меншик ќе игра со победникот од дуелот меѓу Феликс Оже=Алијасим и Алехандро Давидович Фокина.

Руд, кој стигна до четвртото коло на Австралија опен во 2021 година, а во кариерата три пат играл Гренд слем финале (два пати на Ролан Гарос и еднаш на Ју-ес опен) во мечот влезе како умерен фаворит, но на теренот доминираше 19-годишниот Чех.

Меншик беше особено доминантен во првиот и третиот сет, кои ги доби со двоен брејк.

Руд даде знаци на живот само во вториот сет, додека Меншик клучниот брејк за победа го направи во седмиот гем.

Ова е дефинитивно најголемиот скалп на Меншик во кариерата, во која досега играше во едно АТП финале, она во Доха.

Реал Мадрид мора да направи реконструкција на позицијата десен бек. По повредата на Дани Карвахал, еден од хероите на минатосезонското финале во Лигата на шампионите во кое постигна гол против Борусија Дортмунд, единствена опција на оваа позиција е Лукас Васкез.

Главна цел на реал е бекот на Ливерпул Трент Александер-Арнолд, но овој трансфер евентуално може да биде реализиран во летниуот преоден рок.

Договорот на англиската ѕвезда истекува на крајот од сезоната, исто како и 33-годишниот Лукас Васкез, кој оваа сезона голема улога поради отсуството на Карвахал. Васкез не игра добро, често е најлош во одбраната на Реал и поради тоа клубот нема да му го продолжи договорот кој истекува на крајот од сезоната.

Ова значи дека и доколку пристигне Александар-Арнолд, на Реал ќе му треба резервна опција. Се уште не е познато кога Карвахал ќе се врати по тешката повреда на предните вкрстени лигаменти и во каква состојба ќе биде по рехабилитацијата.

„Sports Illustrated“, објави дека Реал Мадрид покажал интерес за десниот бек на градскиот ривал Рајо Ваљекано, Романецот Андреј Ратиу (26).

Роамнскиот репрезентативец се смета за еден од најдобрите дефанзивци на позицијата десен бек во Ла Лига, за него наводно е заинтересирана и Барселона, а шпанскиот портал „spherasports.com“ пишува: „Романецот е како куршум. Се брани цврсто и се приклучува во нападот како да му дале дополнителни животи. Јасно е дека тој е ееден од еден од најдобрите дефанзивци во Ла Лига“.

Ратиу е проценет на 15 милиони евра, а бидејќи неговиот договор истекува во 2028 година, сигурно е дека Рајо Ваљекано ќе има можност да заработат голема сума.

Инаку, Реал пред две сезони се засили со играч од Рајо Ваљекано. Тогаш на клубот му се приклучи левиот бек Фран Гарсија.