Спорт
(Видео) Жан Тод призна: Шумахер два пати не играше чесно и тоа скапо го плати
Жан Тод, потврди дека Михаел Шумахер два пати во кариерата, неспортски се обиде да освои шампионска титула. Легендарниот Тод, го потврди она што Ф1 фановите го знаеја.
Големиот Михаел Шумахер неспорски реагираше во Херез во 1997 година и во Монако во 2006 година, за што плати висока цена.
Поранешниот директор на Ферари и поранешен претседател на ФИА ги потврди приказните што со години кружат меѓу фановите на Формула 1. Тој исто така додаде дека тие два потега го чинеа Шумахер две титули светски шампион.
Во подкастот „High Performance“, поранешен близок соработник на Шумахер од нивните заеднички денови во „Скудерија“ детално опиша две ситуации кога Германецот не се однесувал витешки.
Првиот случај се однесува на крајот на шампионатот во 1997 година во Шпанија и инцидентот на патеката во Херез. Пред големото финале на сезоната, Шумахер беше прв во генералниот пласман со три бода повеќе од Жак Вилнев.
Кога Канаѓанецот, на патеката, го престигна Шумахер во својот Вилијамс, асот на Ферари намерно скршна за да го удри својот ривал и да го исфрли од трката.
„Го удри намерно, но го направи тоа на лош начин“, призна Тод, потврдувајќи ги долгогодишните сомнежи.
Тој успеа само делумно, бидејќи Вилнев успеа да стигне до боксот и да ја продолжи трката, за разлика од Шумахер кој веднаш се откажа. Вилнев заврши трет, освои четири поени и го прескокна Германецот во генералниот пласман. Но ФИА не застана тука.
ФИА одлучи да ги помишти сите резултати на Шумахер таа сезона, па второто место во шампионатот му припадна на Хајнц-Хералд Францен од Џордан.
Вториот инцидент се случи за време на квалификациите за Големата награда на Монако во 2006 година. Таа сезона, Шумахер водеше големи битки со младиот Фернандо Алонсо за титулата светски шампион.
Знаејќи дека има пол-позиција, но и дека младиот Шпанец во Рено има шанса за уште еден брз круг, Шумахер буквално го паркираше својот автомобил во кривината Раскас, преправајќи се дека има технички проблем.
На тој начин го спречи Алонсо да продолжи со брзиот круг, а во исто време квалификациите завршија.
Судиите решија да го казнат Шумахер и го вратија на последната позиција на стартот.
„Во Монако во 2006 година, во квалификациите против Алонсо, тој намерно предизвика пауза. Тоа го чинеше титула во шампионатот“, рече Тод.
Таа сезона, Алонсо ја одбрани својата титула со 13 поени разлика пред својот голем ривал.
Тод верува дека поради тие две одлуки, Шумахер не ги освои осмата и деветтата титула светски шампион.
И покрај сè, Тод ја нагласи величината на Шумахер.
„Михаел е исклучителен човек“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Истрага ќе го одложи финалето на плејофот за пласман во Премиер лигата
Според англиските медиуми, финалето од плејофот за пласман во Премиер лигата можеби нема да се одржи во сабота, 23 мај, бидејќи Англиската фудбалска лига (ЕФЛ) го истражува скандалот „Спајгејт“, во кој е вмешан Саутемптон.
Би-Би-Си Спорт известува дека сослушувањето, спроведено од Независниот дисциплински комитет, ќе се одржи најдоцна во вторник, 19 мај.
По нерешениот резултат во првиот натпревар (0:0), Саутемптон победи со 2:1 во реваншот на стадионот „Сент Мери“ и ќе игра против Хал Сити (го елиминира Милвол) во финалето за пласман во Премиер лигата.
Финалето е закажано за 23 мај, но доколку треба да се презакаже поради исходот од сослушувањето и евентуалните последователни жалби, ЕФЛ вели дека има „бројни планови за непредвидени ситуации“.
Финалето од плејофот во Премиер лигата често се нарекува „најскапиот натпревар во светот“, бидејќи му носи на победникот околу 200 милиони фунти (околу 230 милиони евра). Ова е сума што доаѓа од големите приходи поврзани со телевизиските права и натпреварувањето во Премиер лигата.
Директен пласман во Премиер лигата веќе обезбедија Ковентри Сити и Ипсвич Таун како два првопласирани тима на табелата во Чемпионшип.
Спорт
Анчелоти го продолжи договорот со Бразил
Бразилската фудбалска асоцијација (ЦБФ) денес потврди дека Карло Анчелоти потпиша нов договор до летото 2030 година.
Во кратко соопштение, ЦБФ нагласи дека Бразил ќе продолжи да биде под команда на еден од најдобрите тренери во историјата, истакнувајќи дека имаат апсолутна доверба во него дека ќе го направи „Селесао“ сила каков што беше некогаш.
Анчелоти го презеде Бразил минатото лето откако го напушти Реал Мадрид по четири години.
Светското првенство во САД, Канада и Мексико ќе биде неговиот прв голем тест како селектор, а притисокот е како и секогаш огромен.
Бразил е светски шампион пет пати, но чека на трофеј од 2002 година.
Бразил е во групата Ц со Шкотска, Хаити и Мароко.
Foto/ Depositphotos
Спорт
Македонија победи во Словачка – Ракометарите се на чекор до пласман на Мундијалот во Германија
Ракометната репрезентација на Македонија длабоко зачекори на Светското првенство во 2027 година, во Германија. Вечерва во Прешов, во првиот бараж натпревар за пласман на Мундијалот, Македонија ја победи Словачка со 31:24 (18:13).
Избраниците на Кире Лазаров, во Словачка го демонстрираа својот квалитет и во целост ја оправдаа улогата на фаворит во овој бараж.
Првите 20 минути беа изедначени, како да сакаше Кире Лазаров да ја испитат силата на противникот. Од предноста на Словаците 10:9, Македонија го заклучи полувремето со 8:4.
Вториот дел мина во целосна контрола на се она што се случуваше на теренот од страна на македонските ракометари. На крајот победа со седум голови разлика, што прави реваншот во Скопје да биде формалност.
Македонија до победата ја ппредводеа капитенот Кузмановски со 10, Лазаревски со седум и голманот Томовски со 3 интервенции.
Реваншот во Скопје на програта е во недела, со почетокот во 19 часот.
Foto/ EPA
САД под надзор ставија 41 лице поради изложеност на хантавирус
Во Соединетите Американски Држави, под строг здравствен надзор се наоѓа 41 лице поради можна изложеност на хантавирус, известија во средата...
Битолчанецот ја убил поранешната партнерка додека спиела – Обвинителството со детали, отворена истрага
Основното јавно обвинителство Битола донесе Наредба за спроведување истражна постапка против 33-годишник за кого постои основано сомнение дека извршил кривично...
Истрага ќе го одложи финалето на плејофот за пласман во Премиер лигата
Според англиските медиуми, финалето од плејофот за пласман во Премиер лигата можеби нема да се одржи во сабота, 23 мај,...
Анчелоти го продолжи договорот со Бразил
Бразилската фудбалска асоцијација (ЦБФ) денес потврди дека Карло Анчелоти потпиша нов договор до летото 2030 година. Во кратко соопштение, ЦБФ...
Македонија победи во Словачка – Ракометарите се на чекор до пласман на Мундијалот во Германија
Ракометната репрезентација на Македонија длабоко зачекори на Светското првенство во 2027 година, во Германија. Вечерва во Прешов, во првиот бараж...
Како војната во Украина предизвика оставка на латвиската премиерка
Премиерката на Латвија, Евика Силина, поднесе оставка по длабоката политичка криза предизвикана од падот на украински беспилотни летала на латвиска...
Иран: Навикнати сме на американски и израелски закани, нема да се покориме
Иранскиот министер за надворешни работи, Арагчи, во изјава за агенцијата ИРНА, порача дека Иран не се плаши од американските и...
Утре променливо облачно време со сончеви периоди, во сабота невреме со дожд и силен ветер
Времето утре ќе биде променливо облачно со сончеви периоди. Наместа ќе има услови за локална појава на нестабилност со пороен...
Министер на Трамп: Сметам дека Кина ќе влијае врз Иран за повторно отворање на Ормускиот Теснец
Американскиот министер за финансии, Скот Бесент, изјави дека верува оти Кина ќе го искористи својот влијание врз Иран за да...