Спорт
Виландер за Ѓоковиќ: Непобедлив е!
Матс Виландер некогаш најдобриот тенисер во светот кој воедно е и голем критичар на Новак Ѓоковиќ по неговата победа над Кајл Едмунд го нарекол српскиот тенисер „непобедлив“.
Ѓоковиќ, во второто коло, во тај-брејк го загуби првиот сет од Едмунд, а потоа ги доби наредните три со што се пласираше во третото коло. Во третата рунда негов противник ќе биде Германецот Јан-Ленард Штруф.
„Мислам дека Новак мора самиот да си заблагодаи што го изгуби првиот сет од Едмунд. Тоа беше добра вежба, не е лесно кога сте во ситуација да морате да добиете три од преостанатите четири сета. Мислам дека тоа му помогна, а особено ќе му значи за дуелот со Штруф кој сервира „бомби“ и секогаш ризикува. Јан-Ленард ќе биде добро подготвен“, рекол Виландер.
„Во исто време делуваше дека Новак е во својот свет во кој немаше навивачи кои ќе му дофрлаа. Сега се зависи од него, Штруф може да му направи проблеми доколку не биде концентриран, но во овој момент не можам да замислам дека тоа ќе се случи. Во овој момент Новак е непобедлив“, заклучил Швеѓанецот.
Ѓоковиќ нема пораз од почетокот на сезоната, која во еден момент беше прекината поради коронавирусот, тој има забележано 25 победи.
Djokovic wins. From a set down, 3h12. Great test. 25-0 in 2020 pic.twitter.com/4KM3J8NY07
— José Morgado (@josemorgado) September 2, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.