Спорт
Вилијамс го покажа новиот болид
Тимот на Вилијамс претстави болидот со кој ќе се натпреварува во Светскиот шампионат во Формула 1 во 2023 година. Новиот болид го краси мат сина боја и ја носи ознаката „Williams FW45“.
Вилијамс објави дека со новиот болид „ја искористиле можноста во голема мера да го развијат концептот на страничните подножја (странични аеродинамички компоненти, благодарение на оптимизацијата на распоредот за ладење на агрегатот“.
И десетта година по ред болидот на Вилијамс ќе го придвижува мотор на Мерцедес.
🚨| Williams have launched the FW45
What do we think?😍 pic.twitter.com/mJmAyMt3h4
— AnythingF1 (@AnythingF1_) February 6, 2023
Тимот, исто така, вети дека „FW45“, ќе биде аеродинамички поефикасен од неговиот претходник „FW44“, со модификации на распоредот на предната суспензија и главните надворешни аеродинамични површини, исто така, вградени во дизајнот на новата машина.
Британскиот тим втора година по ред ќе го вози Алекс Албон, а негов колега ќе биде дебитантот Логан Сарџент.
Сарџент е првиот Американец во Ф1 од 2015 година, кога во најбрзиот циркус возеше Александар Роси.
Here's some totally smooth and not at all wobbly b-roll I caught of the 2023 Williams FW45 F1 car.
Big up @WilliamsRacing & @GulfOilIntl for having me. 🙌 pic.twitter.com/8XDK7CAdzB
— Tommo (@TwommoF1) February 6, 2023
Албон и Сарџент ќе го тестираат „FW45“, во Силверстон на 13. февруари под будното око на амбасадорот на Вилијамс, светскиот шампион од 2009 година Џенсон Батон, пред тимот да се пресели на предсезонските тестирања во Бахреин на 23-25. февруари.
Покрај со нов возач, Вилијамс во 2023 година влегува и со нов тимски директор Џејмс Вовлес, кој беше промовиран од позицијата директор за стратегија по заминувањето на Јост Капито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.