Спорт
Вилјареал се врати по почетниот шок против Јуве, Челси сигурни против Лил
Вилјареал се врати од шокантниот гол по само 32 секунди на Душан Влаховиќ, за да извлече 1:1 реми против Јувентус, додека европскиот шампион Челси дома на „Стемфорд Бриџ“ со 2:0 го совлада Лил за да патува на реваншот со голема предност.
Само што почна мечот на „Керамика“ во Вилјареал, Душан Влаховиќ во 32. секунда од својот прв меч во елитното европско натпреварување ги замолче шпанските навивачи со убав гол, со малку помош на голманот Херонимо Рулји.
Сепак, по ова „жолтата подморница“, инаку актуелен шампион од Лига Европа, покажа дека не е тим за потценување, и имаше повеќе од шансите пред голот на Шчесни, пред во 66. минута Дани Парехо по лошата реакција на одбраната на Јуве да израмни на 1:1.
Во Лондон пак, Томас Тухел реши да го остави најскапото засилување во историјата на клубот, Ромелу Лукаку на клупата поради „умор“, но и без него „сините“ се покажаа за посилен противник од актуелниот француски шампион.
И тука падна гол рано – веќе во 8. минута, откако промаши две убави шанси, Каи Хаверц по корнерот на Хаким Зијеш го донесе премиерлигашот во водство. Тоа беше удвоено во 63. минута, кога Н’Голо Канте имаше фантастичен продор во противничкиот шестнаесетник за да му асистира на Кристијан Пулишиќ за 2:0.
ЛИГА НА ШАМПИОНИ, ОСМИНАФИНАЛЕ, ПРВ МЕЧ
Вилјареал – Јувентус 1:1
Челси – Лил 2:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.