Спорт
Вилјареал со титулата од Лига Европа по 11 пенал серии – трагичар на Јунајтед е Де Хеа!
Вилјареал ја освои својата прва европска титула, трофејот од Лига Европа, откако во дождливиот Гдањск по луда пенал завршница со 11 серии, успеа да го совлада Манчестер јунајтед со 11:10 откако регуларниот меч заврши 1:1.
Во игра на нерви со навивачите на двата клуба, десет пати фудбалерите на двата тима беа прецизни од белата точка, пред да дојде ред на голманите – Рули прво лесно го совлада Давид де Хеа, пред Де Ха да упати млак удар и да го прати трофејот кон Шпанија.
Ова е фантастична четврта титула од Лига Европа за тренерот на Вилјареал, Унаи Емери во историска сезона за нив, додека од друга страна Оле Гунар Солскјер останува без титула како тренер на „ѓаволите“ точно 22 години откако тој го совлада Баерн Минхен во финалето на ЛШ во 1999 година.
Во регуларните 90 минути, и во 30-те минути од продолженијата не видовме многу квалитетен фудбал. Јунајтед имаше повеќе од топката во текот на целиот меч, но без многу корист од тоа.
Вилјареал први дојдоа во водство во 29. минута од мечот, кога по еден слободен удар на Дани Парехо, фантастичниот Жерард Морено се најде на вистинското место за да го совлада Давид де Хеа, откако одбраната на „ѓаволите“ му го дозволи тоа. Премиерлигашот влезе поостро на стартот на второто полувреме, играјќи повеќе на половината на шпанскиот клуб, и тоа резултираше со малку среќа во 55. минута, Единсон Кавани да израмни на 1:1.
Притисокот на „ѓаволите“ продолжи, и најдобра шанса во 70. минута имаше Маркус Рашфорд, но се посрамоти кога излезе сам пред голот на Вилјареал, кои својот прв удар на голот во второто полувреме го имаа во последните 15 минути. Двете продолженија беа уште послаби, со малку желба да се тргне во победа, чекајќи го изведувањето на пеналите.
– Villarreal: 11
– Man Utd: 10David De Gea misses the final penalty, and the Spanish side have won their first ever major trophy! ?#UELFinal #VILMUN pic.twitter.com/v1mnGlGiAe
— BettingOdds (@BettingOddsUK) May 26, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.