Спорт
Вилнев: Шумахер не респектираше никого (видео)
Поранешниот Ф1 шампион, Жак Вилнев вели дека неговиот ексривал, Михаел Шумахер покажувал „тотално непочитување“ кон сите и тоа придонело за почеток на ера во која многу млади возачи возат неодговорно, така што е чудно што нема повеќе инциденти.
Вилнев и Шумахер имаа интересна битка за титулата во 1997 година, која заврши контроверзно, кога Германецот директно се судри во болидот на Вилијамс на Вилнев на последната трка од сезоната во Херез. По инцидентот Шумахер беше дисквалификуван, а Вилнев стигна до целта и ја освои својата прва светска титула. Овој инидент се случи откако во 1994 година, Шумахер на сличен начин ја освои титулата по судир со Дејмон Хил, за што остана неказнет.
„Тој имаше недостаток на респект за другите возачи и за самото тркање. По него започна ерата кога сите го прават истото. Гледајте Формула 2 или Формула 3 и навистина сме среќни што немаме неколку смртни случаи секоја година. Во Формула 1 е слично – сите менуваат страни на сопирање и тоа не треба да го гледаме“, вели Вилнев за весникот „Експресен“.
Сепак, Канаѓанецот вели дека на повидок е нова ера, бидејќи сегашниот шампион Луис Хамилтон е многу пофер возач.
„Луис е одличен бидејќи досега не направил ништо надвор од границите. Тоа е огромна разлика, тој е џентлмен на патеката. Брз возач, но чист“, објаснува Вилнев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.