Спорт
Владимир Штимац: Прифаќам и да умрам, само Србија да стане светски првак
Поранешниот српски кошаркарски репрезентативец, Владимир Штимац, актуелен кошаркар на Турк Телеком на 16 дена пред почетокот на Мундобаскетот емотивно зборува за претстојното СП. Штимац со Србија освои олимписко сребро во 2016, светско сребро во 2014 и европско сребро во 2017.
„Треба да ги пуштиме момците самите да се борат. Без притисок на медиумите и јавноста. Злато? Па јас тоа најмногу го сакам. Некој да ми каже, ќе бидеме светски прваци, ама ти да умреш, јас би рекол – може, нема проблем. Тоа звучи лошо, ама јас ете толку многу го сакам тоа“ – рече Штимац за „Моцарт спорт“.
Штимац за оваа српска репрезентација вели дека ја краси семејството.
„Ова е нашата најјака екипа во последните 20 година. Имам позитивни мисли, знам како Сале ќе го направи сето тоа. Ние го имаме она што 99% од другите кошаркарски земји го немаат – семејството“ – вели Штимац.
Корпулентниот кошаркар вели дека одвај чека да види како центарот Никола Јокиќ ќе се снајде во репрезентативниот дрес.
„Одвај чекам да го видам Јокиќ. Го следев цела сезона, таков играч не постои. На истата позиција сме, тој има нешто што никој друг нема. Тој е плејмејкер заробен во тело на центар. Одличен играч“ – смета кошаркарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.