Спорт
Влаховиќ стана најскапиот играч од просторите на поранешна СФРЈ
Душан Влаховиќ, ги мина успешно лекарските прегледи во Јувентус. Викендов, ќе ја има официјалната промоција во новиот клуб.
Трансферот на Влаховиќ од Фиорентина во Јувентус е тежок 75.000.000 евра. Влаховиќ стана најскапиот фудбалер од просторите на поранешна Југославија. Новиот играч на Јувентус од врвот го симна соиграчот од репрезентацијата на Србија, Лука Јовиќ.
Десет најскапи трансфери на фудбалери од поранешна Југославија:
1. Душан Влаховиќ (Србија), 2022 од Фиорентина во Јувентус за 75.000.000 евра
2. Лука Јовиќ (Србија), 2020 од Ајнтрахт во Реал за 63.000.000 евра
3. Миралем Пјаниќ (БиХ), 2019 од Јувентус во Барселона за 60.000.000 евра
4. Немања Матиќ (Србија), 2017 од Челси во Манчестер јунајтед 44.700.000 евра
5. Матео Ковачиќ (Хрватска), 2019 од Реал во Челси за 45.000.000 евра
6. Матео Ковачиќ (Хрвстска) 2015 од Интер во Реал Мадрид за 38.000.000 евра
7. Един Џеко (БиХ), 2011 од Волфсбург во Манчестер сити за 37.000.000 евра
8. Лука Модриќ (Хрватска) 2012 од Тотенхем во Реал Мадирд за 35.000.000 евра
9. Марко Пјаца (Хрватска) 2016 од Динамо Загреб во Јувентус за 29.400.000 евра
10. Немања Матиќ (Србија) 2013 од Бенфика во Челси за 25.000.000 евра
10. Лазар Марковиќ (Србија) 2014 од Бенфика во Ливерпул за 25.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.