Спорт
Влаховиќ за пораките што ги добил од Златан и Роналдо
Напаѓачот на Фиорентина, Душан Влаховиќ признава дека не сакал да му пречи на Златан Ибрахимовиќ по „посебната“ 4:3 победа над Милан, и откри што му кажал Кристијано Роналдо откако Србија ја победи Португалија на гости и се пласираше на Светското првенство.
Влаховиќ е еден од најпосакуваните млади напаѓачи на светот со 10 гола во 13 меча во Серија А, вклучувајќи два гола против „росонерите“ минатиот викенд.
„Мечот против Милан беше сон! Но, како и во секоја работа, минатото веќе е заборавено и најважно е тоа што доаѓа во иднината. Не ги следам многу медиумите, но вестите стигаат до мене. Златан ми кажа ма српски да не се предавам и да продолжам напред, а ми напиша и порака на неговиот дрес на наш јазик. Сите ги знаат приказните за Ибрахимовиќ, кој ми останува идол. Не мислам дека сум негов наследник, бидејќи секо треба да го оди својот пат. Тој е голем шампион, еден од најдобрите на светот, но уште треба да работам да бидам на тоа ниво“, вели Влаховиќ во интервју за српскиот „Телеграф“.
Тој потврди дека разговарал и со ѕвездата на Манчестер јунајтед, Кристијано Роналдо по 2:1 победата и елиминацијата на Португалија.
„Татко ми ме научи по секој натпревар, без разлика дали си победил или загубил да зборуваш со своите ривали, да се ракуваш со сите и со судијата и го правам тоа постојано. Отидов тогаш кај Кристијано, и тој беше лут и нервозен. Единствено што ми кажа е дека неговиот гол во Белград требаше да биде признаен. Му посакав среќа во баражот, бидејќи тој е еден од најдобрите“, вели Влаховиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.