Лацио ги осудија навивачите кои правеа фашистички поздрави на неделното дерби против Рома, и доделија доживотни суспензии за нивните мечеви на виновните, вклучувајќи го и човекот кој носеше дрес со бројот 88 и со натпис „Хитлерсон“.

„Дерби дела капитале“ секогаш било едно од најжестоките мечеви во италијанскиот шампионат, но во последните години, мечот е одбележан со изливи на фашизам од страна на навивачите на Лацио. На социјалните мрежи по неделниот меч се појавија видеа на навивачи кои отпоздравуваат со фашистичкиот поздрав, како и еден навивач кој на својот дрес напиша Хитлерсон и го имаше бројот 88 (кој се поврзува со поздравот Хајл Хитлер).

Лацио во соработка со властите ги идентификувало навивачите.

„Во текот на неделниот меч, три луѓе кои беа идентификувани како протагонисти на однесување кое нема врска со навивањето туку со форми на дискриминација и антисемитизам. Во соработка со полицијата, исто така е идентификуван и човекот кој го носеше дресот со бројот 88 и со натписот Хитлерсон. Тројцата добиваат доживотна суспензија и нема да може да ги следат натпреварите на Лацио“, се вели во објавата на клубот.

Una curva intera che canta cori antisemiti, un “tifoso” in tribuna con la maglia Hitlerson e il numero 88 e noi, come sempre, gli unici a indignarci e a protestare. Possibile che tutti continuino a far finta di nulla? pic.twitter.com/AL3EGejYUf

— Ruth Dureghello (@dureghello) March 20, 2023

Поранешниот дефанзивец на Баерн Минхен и на германската репрезентација, Филип Лам имаше брутална анализа на сезоната на Пари Сен-Жермен по нивната нова елиминација во Лигата на шампиони, токму од Баерн Минхен, велејќи дека играат „здодевен“ фудбал.

Во интервју за „Гардијан“, Лаам вели дека Лионел Меси бил „беспомошен“ на вториот меч со Баерн Минхен бидејќи неговите квалитети се користат во клубот „без причина или насока“.

„Луѓето во ПСЖ едноставно не знаат како колктивно да постигнат гол, како да влијаат на играта. Меси беше беспомошен и очаен на ‘Алијанц арената’. Жал ми е за навивачите на ПСЖ. Нивната надеж дека овој тим ќе расте заедно секоја година умира на неславн начин. Секако веруваат во нешто поинаку. ПСЖ се далеку од клуб кој би сакале да го сакате и покрај толку години инвестиции. Тимот изгледа на луксузна продавница, покажувајќи скапоцени елементи кои никој друг не може да си ги дозволи. Тоа гарантира внимание и спектакл, но не и квалитет“, вели Лам.

Тој исто така го коментираше и Килијан Мбапе.

„Килијан Мбапе е посебна приказна. Тој несомнено има светски квалитет, и во Лига 1 е класа над сите. Но, неговиот талент не се користи. Во Минхен тој постојано ја чекаше топката пред своите нозе и тешко е да се очекува неговата кариера да се крене во Париз“, додава Лам.

И покрај тоа што унгарските медиуми објавија дека УЕФА ќе го исполни барањето на Унгарската фудбалска федерација за знамињата на кои е нацртана мапата на „Голема Унгарија“ да не се смета како политички и „расистички“ симбол, УЕФА појасни дека нема да може да се објавува знамето на кое покрај Унгарија се и делови на Романија, Србија, Хрватска, Словачка, Австрија и Унгарија.

Унгарците го сметаат мировниот договор од 1920 година, во кое Унгарија загуби две третини од својата територија, како неправеден, а фудбалската федерација тврдеше дека знамињата со вакви мапи само претставуваат изразување на историски симболи.

По бесната реакција на повеќе федерации, во прв план Романија, УЕФА директно одговори.

„УЕФА не го одобри, ниту ќе го одобри прикажувањето на симболи кои се споменуваат во објавата на Унгарската фудбалска федерација. Сметаме дека се работи за грешка, бидејќи претставување на овие симболи претставува прекршување на дисциплинскиот правилник на УЕФА околу политички и провокативни пораки“, се вели во објавата на УЕФА.