Спорт
Вориорс се во победничка серија, Милвоки победија без Јанис, Драгиќ херој на Мајами (Видео)
Голден стејт Вориорс, без најголемите ѕвезди, по лошиот старт влегоа во серија на победи. Откако на Божик го совладаа Хјустон, тие славеа и во дуелот со Финикс Санс. Синоќа победа забележаа и Милвоки Бакс и тоа без Јанис Адетокумбо.
Голден стејт Вориорс без Стеф Кари и Клеј Томсон одиграа натпревар кој потсети на славните времиња на оваа франшиза. Против Финис блескаа во последната четвртина во која постигнаа 39, а примија само 18 поени.
Последниот квартал им беше доволен на Вориорс да забележат победа 105:96. ДиАнџело Расел забележа 31 поен, пет скока и шест асистенции. Девин Букер го предводеше Финикс со 34 поени.
Милвоки го заборавија високиот пораз од Филалделфија, на победите им се вратија во Атланта 112:86. Без првиот играч Адетокумбо, Бакс, имаа предност од 23 поени веќе по првиот дел. Турчинот Ерсан Иљасова го одигра најдобриот меч од стартот на првенството (18 поени, 17 скока), а најефикасен беше Крис Мидлтон со 22 поени.
Мајами Хит во драматичен меч ги победија Индијана Пејсерс со 113:112. Поените за победа на Хит ги постигна Словенецот Горан Драгиќ на 6,9 секунди до крајот на мечот. Драгиќ мечот го заврши со 14 поени. Мајами до победата го предводеше Џими Батлер со 20 поени и девет скока.
Драматични победи синоќа забележаа Орландо Меџик над Филалделфија (98:97), односно Окалхома Тандер над Шарлот Хорнетс (104:102).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.