Спорт
ВРЦ: Нојвил со убедлива победа во Аргентина го зголеми водството
Белгиецот Тјери Нојвил е победник на Аргентинското рели во 1-2 триумф за Хјундаи пред својот колега Норвежанецот Андреас Микелсен за да го зголеми водството во генерален пласман во Светскиот рели шампионат (ВРЦ) на 10 поени.
Микелсен заостануваше огромни 48.4 секунди, додека актуелниот светски шампион Себастиен Ожие во Ситроен го „грабна“ третото место поминувајќи го Крис Мик (Тојота) во последната етапа, откако тој имаше дупната гума во последната етапа.
Шесткратниот светски шампион Ожие исто така освои 5 поени со победа во последната пауер етапа, а Нојвил доби три, за по пет трки Белгиецот да има 110 поени, а Ожие 100. Хјундаи е лидер во пласман на конструктори со 157 поени, 37 пред Тојота.
„Автомобилот беше совршен и се чувствував удобно во секоја етапа“, вели Нојвил, кој сега има две победи во низа откако минатиот месец победи на Француското рели на Корзика.
Шестата трка од шампионатот се оддржува од 10 до 12 мај во Чиле.
? Thierry Neuville gana la 39° edición del #XIONRallyArgentina / @thierryneuville wins Rally Argentina! pic.twitter.com/h2oSo9Dlu6
— Rally Argentina (@rallyargentina) April 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.