Спорт
Вредноста на Педри, Киеза и Филипс се зголеми по ЕУРО 2020
Веднаш штом заврши ЕУРО2020, најпознатата страница за проценка на вредноста на фудбалерите „Трансфермаркт“ пресмета цената на кој фудбалер скокна по континенталниот собир.
„Ги земавме во предвид играчите кои значително напреднаа во текот на турнирот и со своите игри стекнаа светско внимание, што на крајот доведува до зголемен интерес на фудбалскиот пазар“ објасни координаторот во „Трансфермаркт“, Кристијан Шварц.
Цената на тројца играчи се зголемила за најмалку 10 милиони евра.
Прв меѓу нив е 18-годишниот Шпанец, Педри кој сега вреди 80 милион евра. На почетокот на сезоната, кога дојде во Барселона вредеше 7 милиони евра, па за само една сезона неговата цена пораснала за дури 73 милиони евра.
Следен е Федерико Киеза, еден од најдобрите и најопасните играчи на Италија на ЕП. Тој има само 23 години. Неговата цена се проценува на 70 милиони евра.
Трет е Калвин Филипс, англискиот играч од средниот ред. Играчот на Лидс одигра одлично првенство и сега неговата цена е 40 милиони евра.
Ова се останатите фудбалери чија цена порасна по ЕП:
-Деклан Рајс (Англија) – 70 милиони евра (+5 милиони)
-Џанлуиџи Донарума (Италија) – 65 милиони евра (+5)
-Лук Шо (Англија) – 42 милиони евра (+7)
-Пјер-Емил Хојбјерг (Данска) – 40 милиони евра (+5)
-Патрик Шик (Чешка) – 28 милиони евра (+5)
-Микел Дамсгард (Данска) – 20 милиони евра (+7)
-Јоаким Маеле (Данска) – 19 милиони евра (+6)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.