Серија А ја објави казната која му е изречена на Антонио Конте. Тренерот на Интер доби црвен картон на натпреварот со Удинезе.

Темпераментниот Конте, беше исклучен во финишот на натпреварот. Незадоволен од додаденото време од четири минути, тој влезе во вербална расправија со судијата Фабио Мареска.

Расправата е судијата Конте ја продолжил и по завршувањето на натпреварот.

Конте ќе плати казна од 20.000 евра и нема да може да го предводи својот тим на натпреварите со Беневенто и Фиорентина.

Теса Ворли од Франција, победи на трката во велеслалом, која се возеше во Кронплац, Италија. Ворли по двете трки имаше време 2:11.38 минути и ја забележа првата победа во Светскиот куп по пауза од две години. Таа победи пред Лара Гут-Бехрами од Швацарија (2:11.65) и Марта Басино од Италија (2:12.11).

Трагичарка на денот е Мишел Гисин од Швацарија. Таа беше најдобра по првата трка, водеше и во втората, но направи грешка во самиот финиш и на крајот го освои шестото место.

На четвртото место трката ја заврши Американката Михалеа Шифрин, која првата трка ја заврши на второто место.

Басино и по денешната трка остана на челната позиција во поредокот, во велеслалом. Италијанската има 460 поени, Ворли со 336 се проби на второто место, а Гисин е трета со 312.

До крајот на сезоната останаа уште две трки во велелслалом.

Неизвесно до крајот на сезоната ќе биде и во борбата за Големиот кристален глобус. Петра Влхова води во вкупниот пласман со 883 поени, 10о повеќе од Гисин, Гут-Бехрами и Басино.

Ферари оваа сезона ќе се борат за највисок пласман во Формула 1, тврди советникот во Ред Бул, д-р Хелмут Марко. Марко, повикувајќи се на свои извори, открил дека инженерите на Ферари, успеале да ги пронајдат „загубените“ 50 коњски сили од минатата сезона.

Минатата сезона во Формула 1, која заврши со титули за Луис Хамилтон и Мерцедес, беше една од налошите во долгата историја на славниот италијански тим.

„Ќе ви откријам дека имам информации за Ферари. Значително ја зголемиле силата на нивните мотори. Минатата сезона беа далеку зад сите, на патеката беше јасно дека немаат шанси со другите“, рекол Марко и дополнил.

„За претстојното првенство со наоѓањето на тие 50 коњски сили, очекувам дека ќе се вратат во борбата за победите. Подготвени сме да се бориме, како и секогаш, со нив и Мерцедес“, заклучил Австриецот кој е важна алка во системот на Ред Бул.

За Ферари, во 2021 година ќе возат Шарл Леклер и Карлос Саинц јуниор.