Спорт
Залудна историска партија на Вембањама, „Волците“ славеа во Тексас, Њујорк ја декласира Филаделфија
Минесота и Њујорк и Њујорк со победи ги отворија конференциските полуфинални натпревари. Минесота, во драматичен натпревар направи брејк во Сан Антонио, победи со 104:102, додека Њујорк ја декласира Филаделфија со 39 поени разлика.
Минесота во драматичен меч победи во Тексас и покрај тоа што Виктор Вембањама одигра историски натпревар. Францускиот центар забележа трипл-дабл со 11 поени, 15 скокови и дури 12 блокади.
Вемби влезе во историјата како еден од ретките играчи кои постигнале трипл-дабл во плејофот со двоцифрен број блокади. Само двајца пред него успеале да го направат тоа од 1973/74 година.
Кај Минеоста се врати Ентони Едвардс, одигра одличен меч, постигна 18 поени за 25 минути. Најефикасен беше Џулиус Рендл со 21 поени и 10 скока.
Серијата продолжува во Тексас, а вториот натпревар е закажан за ноќта помеѓу среда и четврток.
Кошаркарите на Њујорк Никс славеа во првиот натпревар од полуфиналето на Источната конференција со 137:98. Никс имаа апсолутна доминација во овој натпревар, каде што беа подобри од Филаделфија во секој аспект од играта, имаа 39 скока и дури 34 асистенции, додека најголемата разлика ја направија со шутот за три поени.
Постигнаа дури 19 тројки од 37 обиди, што беше една од главните причини за оваа убедлива победа.
За Никс, Џејлен Брансон постигна 35 поени (3/6 3п), додека Ануноби постигна 18 поени, а Харт и Таунс додадоа по 17 поени.
Од друга страна, Пол Џорџ беше најефикасен со 17 поени, додека Џоел Ембиид имаше 14 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вардар е шампион на Македонија
Фудбалерите на Вардар на ја освоија шампионската титула, 12-та во клупската историја и прва по пауза од шест години. Во пресрет на последното коло, Вардар, стекна недостижна предност во однос на сега поранешниот првак, Струга Трим Лум.
За да ја обебеди титулата во 32-то коло, на Вардар му беше потребен бод во Струга. Црвено-црните ги освоија трите.
Славеа минимална победа со голот на Цетковиќ во петтата минута.
Вардар во сезоната 2026/ 2027 ќе игра во квалификациите за пласман во Лигата на шампионите.
Табела:
Спорт
Дубаи се заканува со повлекување од АБА лигата
Драмата околу враќањето на кошаркарскиот клуб од Дубаи во татковината продолжува. Клубот од Обединетите Арапски Емирати се заканува дека ќе ја напушти АБА лигата.
Дубаи се пресели да игра во Сараево поради војната на Блискиот исток, но по испаѓањето од Евролигата одлучи да се врати во Обединетите Арапски Емирати.
„Во договор со лигата, испративме писмо до Клуж и Будуќност за да разјасниме дали имаат административни пречки да патуваат во Дубаи, бидејќи тие не одговорија до вторник напладне, објавивме дека се враќаме дома. Будуќност подоцна зазеде став дека не се согласува со тоа, односно дека не сака да игра натпревари во Дубаи затоа што некои играчи не сакаат да дојдат“, тврди неименуван извир на „Спортал“.
Тимот се врати во ОАЕ, а во меѓувреме, АБА лигата одлучи Дубаи да продолжи да игра на неутрален терен.
Наводно, клубот верува дека челниците на АБА лигата направиле грешка затоа што наместо писмо, требало да организираат состанок со клубовите, каде што ќе разговарале за враќањето на Дубаи во татковината.
Соговорникот на споменатиот извор тврди дека Дубаи очекува промена на одлуката, и дека доколку тоа не се случи, сигурно ќе ја тужат лигата, што би довело до потенцијална разделба.
Foto/ ABA league
Спорт
Нојер ќе брани за Германија на СП
Легендарниот германски голман Мануел Нојер (40) е на проширениот список на Јулијан Нагелсман за претстојното Светско првенство, а според германските медиуми, договорено е неговото враќање во репрезентацијата по пензионирањето во 2024 година.
Наводно, селекторот и голманот на Баерн се сретнале и се согласиле Нојер да се врати во репрезентацијата.
Сепак, ова наводно не му гарантира место меѓу 26-те патници на Светското првенство, а конечниот список треба да биде објавен на 21 мај.
Нојер се збогува со репрезентацијата во 2024 година откако беше елиминиран од Шпанија во четвртфиналето на Европското првенство.
Тешко е да се очекува дека Нојер ќе оди на СП за да биде втор или трет голман и ако е на списокот, јасно е дека ќе биде „единицата“ на Германија.
Во тој случај, цехот би го платил голманот на Хофенхајм, Оливер Бауман, кој беше виден како стартер за „Панцерите“ на Светското првенство.
Германците ќе бидат дел од групата Е на Светското првенство, а нивни ривали ќе бидат Брегот на Слоновата Коска, Еквадор и Курасао.
Foto/ Depositphotos
„Њујорк пост“: Американскиот персонал не дозволил никакви кинески предмети да се внесат во авионот на Трамп
Дописничката на „Њујорк пост“ од Белата куќа, Емили Гудин, денес изјави дека американскиот персонал не дозволил никакви кинески предмети да...
СЗО: Лицето од САД негативно на хантавирус, бројот на случаи во светот е намален на десет
Директорката на Одделот за подготвеност и превенција на епидемии и пандемии при Светската здравствена организација (СЗО), Марија ван Керхове, денес...
Аракчи: Иран секогаш ќе биде чувар на безбедноста во Ормускиот теснец
Иранскиот министер за надворешни работи, Абас Аракчи, денес изјави дека Иран секогаш ќе биде чувар на безбедноста во Ормускиот теснец....
Стармер: Ќе го спречиме секој што се обидува да шири омраза и поделби во Британија
Британските власти им забранија на 11 странски крајнодесничарски активисти влез во земјата пред митингот на поддржувачите на Томи Робинсон, додека...
Трамп: Само САД и Кина можат да пристапат до иранскиот ураниум
Американскиот претседател Доналд Трамп изјави по враќањето од Пекинг дека само САД и Кина можат да дојдат до иранскиот ураниум...
Израел го нападна водачот на Хамас, Иза ал-Дин ал-Хадад
И покрај кревкото примирје во Газа, постигнато со посредство на САД, Израел изврши напад насочен кон врвниот воен лидер на...
Германија: Истекоа токсични хемикалии во фабрика, има повредени работници
Во несреќа што се случи денес во индустриски погон во Нирнберг, повредени се 30 лица, од кои две се во...
„Вреди“: Се враќа целосната функционалност на Комисијата за односи меѓу заедниците, нов чекор за зајакнување на Охридскиот рамковен договор
Со години, Комисијата за односи меѓу заедниците беше ставена на маргините, оценуваат од „Вреди“. „Беше де факто ослабена од политиките...
Премиерот на Полска: Откажувањето на пристигнувањето на американските војници нема да влијае на нашата безбедност
Полскиот премиер Доналд Туск денес изјави дека ненадејното откажување на трансферот на 4.000 американски војници во Полска нема да влијае...