Спорт
Жоржињо: Италија е мојата татковина, тешко беше да се живее со 20 евра неделно
Жоржињо вели дека „никогаш нема да заборави што Италија направи“ за него кога му било најпотребно и откри дека бил блиску до откажување од фудбалот кога живеел со 20 евра неделно.
Фудбалерот од средниот ред на Челси веќе ја освои наградата на УЕФА за најдобар фудбалер минатата сезона и е прв фаворит за освојување на „Златната топка“. Иако е роден во Бразил, 29-годишниот Жоржињо реши да игра за Италија бидејќи неговиот прадедо бил Италијанец.
„Посебно е да се игра за Италија и не беше тешко да се избере. Бразил никогаш не ми даде шанса да го исполнам мојот сон, додека Италија ме избра иако сум роден во друга земја. Тоа не беше мала работа. Исто така мојот прадедо беше Италијанец и јас се чувствувам како Италијанец бидејќи повеќе од половина од животот го поминав тука. Секој ден повеќе ја сакам својата земја и никогаш нема да заборавам дека кога ми беше потребно, Италија ми помогна и затоа не можев да свртам грб“, вели Жоржињо во колумна за „Плејерс трибјун“.
Жоржињо пристигна во Хелас Верона кога имаше 15 години и открива дека живеел на 20 евра неделно и дека за малку ќе се откажел од фудбалскиот сон.
„Тоа беше осамен живот. Поминав година и пол така, живеејќи од фудбалот. Кога имав 17 години, почнав да тренирам со професионалците во Верона и се искарав со агентот. Не сакам да зборувам многу за тоа, но беше навистина лошо. Страдав две години во валкан фудбалски камп во Бразил. Поминав 18 месеци живеејќи на 20 евра неделно, и тогаш дојде тоа. Се јавив на мајка ми во солзи и кажав дека сум готов и дека се враќам дома. Во умот бев повторно во Имбитуба. Таа ми кажа: ‘Вратата ќе ти биде затворена. Не се враќаш дома’. Можете да замислите вашата мајка да ви го каже тоа? Го повикав татко ми, а бидејќи беа разделени мислев дека ќе живеам со него. Но и тој ми кажа дека вратата е затворена. Тогаш двајцата се собраа и ми се јавија. Ми кажаа: ‘Тренираш со професионалците и сега ќе се откажуваш? По работите кои ги помина. Нема смисла. Оди по својот сон’. Мојата постара сестра ми кажа дека кога мајка ми престанала со разговорот, не можела да престане да плаче“, објаснува Жоржињо.
“I’m sitting here with a Europa League title and a Champions League title. So to all the critics, I just want to say one thing.
Thank you. Really, thank you all.”
Jorginho has a message for all the dreamers.https://t.co/HoRV5Ctr4F
— The Players’ Tribune (@PlayersTribune) September 1, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.