Спорт
Жота пак е херојот на Ливерпул, бизарен петти црвен картон за Арсенал оваа сезона
Диого Жота повторно се запиша во листата на стрелците за Ливерпул да стигне до 2:0 победа над Лестер и да го заддржи темпото со Манчестер сити на врвот на табелата, додека Габриел Мартинели беше херој и „злосторник“ за Арсенал откако постигна гол, но и го доби петтиот црвен картон за неговиот тим при 0:1 победата на гости кај Вулверхемптон.
Со новото засилување Луис Дијаз првпат како стартер, „црвените“ на Јирген Клоп дојдоа во водство во 34. минута, кога Диого Жота се најде на вистинското место за да ја смести топката зад грбот на Каспер Шмајхел. Притисокот на Ливерпул продолжи цел меч, и во 87. минута од мечот, Жота повторно се најде на вистинско место и ја искористи лошата реакција на Шмајхел да ја осигура победата.
Ова беа 11. и 12. гол за Португалецот оваа сезона, со што тој се наоѓа на второто место на листата на стрелците во Премиерлигата зад својот клупски колега Мохамед Салах со 18 гола. Ливерпул сега се на 9 поени зад Манчестер сити на врвот на табелата во Премиерлигата, но имаат и натпревар помалку.
?⚽️ | MARTINELLI RED CARD! Second yellow
pic.twitter.com/U5ej5fPiWH— Football For You (@FootbaIlForYou) February 10, 2022
На „Молињу“ пак, Арсенал ги освои трите поени со тешка 0:1 победа, но најголема дискусија ќе предизвика контроверзниот црвен картон кој го доби Габриел Мартинели, односно двата жолти картони одеднаш во бизарна сцена која на крајот го донесе петтиот црвен картон за тимот на Микел Артета.
Претходно, токму Бразилецот во 25. минута го постигна единствениот гол на мечот по еден корнер за „топчиите“. Арсенал со трите поени се искачија на петтото место на табелата со 39 поени, еден зад Вест хем, но со два натпревари помалку.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.