Спорт
Жртвувањето Пике може да го направи следен претседател на Барса
Еден човек заслужи најголем аплауз на „Ноу Камп“ во неделата на првиот меч од новата сезона против Реал Сосиедад, и тоа не беше актуелниот претседател Жоан Лапорта, туку човекот кој многумина го гледаат како иден претседател на нивниот омилен клуб, Жерард Пике.
Пике е роден за таа позиција. Тој потекнува од супер-богато каталонско семејство, пред да го направи сопственото богатство, кое додадено на тоа на неговата сопруга Шакира (која е значително побогата од него), и има совршено потекло исто како тие кои во минатото го водеа клубот.
„Тој ги има гените за претсдател. Неговото семејство е типичен примерок на на бургесија, каталонската трговска класа“, напиша Симон Купер во неговата нова книга „Комплексот Барселона“.
Дедото на Пике, Амадор Бернабеу, беше директор на Барселона 23 години, а самиот Жерард е член на клубот од своето раѓање, исто како и неговиот син Милан и неговата ќерка Саша. Тој секогаш се жртвувал за Барселона, но потегот со намалувањето на сопствената плата само да се регистрираат Мемфис Депај и Серхио Гарсија беше маестрален потег.
„Роден сум тука, израснав тука, речиси цел мој живот живеам тука. Тоа мораше да се направи. Морав да бидам прв за да се регистрираат играчите, но ова е семејство и одиме напред заедно. Сите капитени ќе го направат тоа што е потребно за клубот“, објасни Пике по мечот, пред да потврди дека и другите капитени на клубот, Жорди Алба, Серхио Бускетс и Серхи Роберто ќе ги намалат своите плати.
Пред неколку месеци, поранешниот напаѓач на Барса, Бојан Кркиќ јасно посочи на Пике како иден претседател на клубот.
„Потребни ни се луѓе на чело на Барса кои пораснаа сакајќи ги овие бои. Не неутрални лидери, туку тие кои ќе го бранат грбот. Го почитувам Пике за неговите вредности, неговиот карактер, посветеноста и сигурноста. Пике, претседател“, напиша Кркиќ во каталонскиот „Спорт“.
Пике има доволно искуство во водење на успешни бизниси – тој е основач и претседател на „Космос“, компанија која ги спојува „технологијата, спортот и иновациите“, преку која го купи фудбалскиот клуб Андора. Тој исто така беше човекот кој го трансформирање Дејвис купот со партнерство со Интернационалната тениска федерација (ИТФ) вредно 3 милијарди долари.
Пике во 2015 година организираше состанок на поранешниот претседател на клубот, Жозеп Марија Бартомеу и директорот на „Ракутен“, Хироши Микитани по што јапонската компанија стана главен спознор на Барса. Основачот на Фејсбук, Марк Зукерберг често му е гости на на вечера.
Социосите на Барса нема да заборават на последниот гест кога неговото име евентуално ќе се појави на ливчињата за гласање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.