Синиша Михајловиќ се врати на клупата на Болоња по последната тура на хемотерапија, но фудбалерите на Милан му го расипаа кам-бекот однесувајќи 3:2 победа на „Ренато Дал’Ара“.

Михајловиќ доби аплаузи од домашната публика откако се врати на своето работно место по последната тура на хемотерапија за леукемијата и по трансплантација на коскената срж, а моментот беше посебен бидејќи го пречекуваше тимот кому му беше тренер во минатото.

Кшиштоф Пјонтек уште во 15. минута ги донесе гостите во водство со гол од пенал, пред Тео Ернандез во 32. минута да зголеми на 0:2. Сепак, Ернандез само осум минути подоцна си постигна автогол, давајќи надеж дека Болоња може да извлече барем реми.

Џакомо Бонавентура само што почна второто полувреме ја врати предноста од два гола за Милан, меѓутоа финишот на мечот беше многу интересен, откако Никола Сенсоне од пенал во 84. минута намали на 2:3.

Сепак, Милан изддржа и конечно сврза две победи во низа под водство на Стефано Пиоли и да се искачи на 9. место на табелата со 20 поени. Болоња пак, не успеа по сензационалната 2:1 победа над Наполи да собори уште еден голем ривал, и останува на 13. место на табелата со 16 поени.

Американецот Томи Форд ја оствари својата прва победа во Светскиот куп во алпско скијање, откако на 30 години триумфираше на велеслаломот во Бивер Крик, Колорадо, ставајќи крај на најлошата американска серија без подиуми во СК.

Норвешките фаворити Хенрик Кристоферсен и Леиф Кристијан Нестволд-Хауген ги освоија местата на подиумот, додека ветеранот Тед Лигети, кој беше четврти по првото возење заврши на 11. место.

Форд стана првиот американски скијач со победа од СК по Тревис Генонг на спустот во јануари 2017 година, и прв Американец на подиумот по Лигети во јануари 2018 година.

Форд, кој учествуваше на Олимпијадите во 2010 и 2018 година, имаше четврто место на велеслаломот во Зелден, Австрија на 27 октомври како најдобар успех, а претходно минатата сезона имаше две петти места.

Светскиот куп во алпско скијање се сели во Вал Д’Изер, Франција, каде што следниот викенд на програмата има велеслалом и слалом.

🥇 First career win for Ford
🇺🇸 First home nation win at Beaver Creek in five years

The American crowd goes wild as @ibeTommyFord holds his nerve on home snow in the Giant Slalom! 👏 pic.twitter.com/wTNKVKWcH0

— Eurosport UK (@Eurosport_UK) December 8, 2019

Јавор загуби дома со 1:2 од тимот на Вождовац во меч од српската Суперлига, кој може да се нарече и „невиден“, поради тоа што тешко дека малубројната публика можеше да забележи што има на теренот поради густата магла.

Во меч на граница на регуларноста, посебно во второто полувреме, гостите славеа со головите на Станисављевиќ и македонскиот интернационалец Марко Ѓорѓиевски, а Вождовац преку својот Твитер профил се „пофали“ со условите за игра.

Ode lopta… Negde 😁 pic.twitter.com/QbL16PLniv

— FK Voždovac (@FKVozdovac) December 8, 2019

Nešto se dešava, al ne znam šta 😶 pic.twitter.com/GYiAq5lsOn

— FK Voždovac (@FKVozdovac) December 8, 2019

🔥🔥🔥 KRAJ! 🔥🔥🔥

Voždovac je pobedio u Ivanjici rezultatom 1:2 nakon velike borbe i velike magle❗

BRAVO ZMAJEVI 🐉‼️💯 pic.twitter.com/GJ58ziknrM

— FK Voždovac (@FKVozdovac) December 8, 2019