Спорт
„Зошто би одел во Арсенал, убаво ми е во Лестер“
Менаџерот на Лестер Брендон Роџерс рекол дека му е убаво на „Кинг Пауер“ и дека нема намера да ја преземе тренерската позиција во Арсенал. Медиумите на Островото изминатите денови шпекулираат дека Роџерс бил најсериозниот кандидат за нов менаџер на „топџиите“.
Поради ваквите шпекулации Роџерс морал некои работи да им објасни на медиумите. Рекол дека планирал уште долго време да биде во Лестер.
„Пораката е јасна, знам дека истото прашање ќе ми го поставувате се додека Арсенал не добие тренер. Сепак работите се едноставни, јас сум среќен тука и сакам да останам во Лестер“, рекол Роџерс.
„Пред девет месеци донесов одлука да дојдам тука. Имав јасна намера да го вратам овој клуб каде што беше пред да дојдам јас тука. Сакам да ја предводам оваа група на играчи, поседуваат голем потенцијал. Зошто би одел на друго место?“.
Поранешниот менаџер на Ливерпул и Селтик потенцирал дека негвата намера била до крај да го одработи договорот со Лестер.
„Во Селтик бев три години и некој потоа може да каже, во ред, Арсенал е голем клуб, институција…Сепак работата е да бидете таму каде што се чувствувате среќни, а јас сум среќен овде. Договорот ми трае до 2022 година и никој во клубот не ми кажал дека сакаат да ме разрешат од должноста“, заклучил Роџерс.
Лестер сезонава играат одличен фудбал, по 13 рунди се наоѓаат на второто место на табелата со осум бода помалку од водечките Леверпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…