Спорт
Зошто Манчестер сити се исфрлени од ЛШ?
Фудбалскиот свет вчера го шокираше веста дека УЕФА му изрече два годишна суспензија на Манчестер сити за настап во европските купови и го казни парично со 30 милиони евра. Според извештаите на УЕФА клубот во периодот од 2012 до 2016 година ги кршел правилата од финансискиот фер-плеј.
Сити имаат право на жалба. Тие најавија дека одлуката на УЕФА ќе ја обжалат пред Судот за спортска арбитража во Лозана.
Какви правила прекршиле Манчестер сити?
Англискиот шампион, според извештаите на УЕФА, ги заобиколувал правилата поврзани со работењето со спонзорите кои се директно поврзани со сопствениците на клубот. „Фудбал Ликс“ и германскиот весник „Шпигл“ пред неколку месеци јавно ги објавија податоците кои покажуваат дека Сити направиле сериозни прекршоци во обидот да заобиколат одредени правила на УЕФА.
„Шпигл“ тврдат дека поседуваат документи кои покажуваат како челниците на Сити расправаат на кој начин да избришат долг од 10 милиони фунти.
Сити наводно добивал финансиски инјекции од инвестициска компанија позади која стојат Обединетите Арапски Емирати, а парите во клубот влегувале преку спонзорски договори со разни компании.
Меѓу тие компании преку кои парите нелегално влегувале во клубот бил и главниот спонзор „Итихад“. Ваквиот начин на работење не е дозволен според правилнокот на УЕФА.
Исто така „Шпигл“ открива дека за да ги прекрши правилата на клубот му помагале актуелниот претседател на ФИФА Џани Инфантино кој во 2014 година бил секретар во УЕФА и поранешниот претседател на УЕФА Мишел Платини.
Инфантино и Платини според извештаите на Манчестер сити, но и на Шари Сен Жермен им овозможувале помали казни поради кршењето на правилата. На крајот овие клубови наместо казни од 60 милиони добиле казни од 20 милиони евра.
Што е финансискиот фер-плеј на УЕФА
Финансискиот фер-плеј (ФФП) е донесен во 2009 година, а се применува од 2011 година. Целта на ФФП е да ги спречи клубовите да трошат повеќе од она што го заработуваат. Клубовите секоја година мора да имаат чисти сметки. Во случај да не можат да докажат дека работат „чисто“ тогаш се соочуваат со казни од УЕФА.
Правилата на УЕФА се јасни кога станува збор за ФФП. Доколку сосптвеникот на клубот вложува сопствени пари тогаш тој клуб може да биде во минус од 30 милиони евра три години. Меѓутоа доколку сопственикот не вложува свои пари тогаш дозволениот минус во работењето е пет милиони евра.
УЕФА со шлаканица за Манчестер сити – две години без Лигата на шампиони и казна од 30 милиони евра!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Поради Белингем ќе заврне дожд од милиони евра во Дортмунд“
Шпанските медиуми најавуваат огромен паричен бонус за Борусија Дортмунд поради настапите на Џуд Белингам оваа сезона.
Белингем блесна во својата прва сезона во Реал Мадрид, како најдобра стрелец го предводи тимот до титулата во Ла Лига и полуфиналето на Лигата на шампионите.
20-годишниот Англичанец минатото лето пристигна на „Сантијаго Бернабеу“ за 103 милиони евра, но трансферот може да се зголеми поради одредени бонуси.
„Ќе заврне дожд од милиони евра во Дортмунд“, пренесува весникот „АС“.
Наводно, преку дополнителни бонуси за постигнати голови, индивидуални и клупски трофеи, Борусија би можела да заработи уште 30 милиони евра.
Белингем постигна 17 гола со четири асистенции на 25 натпревари во Ла Лига. Во сите натпреварувања, Англичанецот постигна 21 гол на 36 натпревари со десет асистенции.
„АС“, наведува дека ова ја зголемува вкупната сума на трансферот, која може да се зголеми во зависност од минутите што ќе ги одигра Белингем до крајот на сезоната и можниот избор во идеалните тимови во Ла Лига и ЛШ.
Белингем, во понеделникот стана лауреат на Лауреус, добивајќи ја наградата за „Пробив на годината“.
„АС“, во својот текст посочува дека германскиот клуб исто како и мадриѓаните го слави секој негов настап, гол, асистенција…
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.